ქალთა ჩოგბურთის ასოციაცია

მასალა ვიკიპედიიდან — თავისუფალი ენციკლოპედია
Jump to navigation Jump to search
WTA-ის ლოგო.

ქალთა ჩოგბურთის ასოციაცია იგივე WTA (ინგლ. Women's Tennis Association) — 1973 წლის ივნისში დაარსებული ორგანიზაცია, რომლის მიზანი იყო ქალი პროფესიონალი ჩოგბურთელების ინტერესების დაცვა. WTA არის ტურის ორგანიზატორი ქალთა ჩოგბურთისთვის.

ორგანიზაციის შტაბ-ბინა მდებარეობს აშშ-ის ქალაქ სანქტ-პეტერბურგში. ქალთა ჩოგბურთში WTA-ის მსგავსი ორგანიზაციაა პროფესიონალ ჩოგბურთელთა ასოციაცია, იგივე ATP.

WTA-ის ტურის ტურნირები[რედაქტირება | წყაროს რედაქტირება]

WTA-ის ტური მოიცავს დიდი სლემის ტურნირებს, WTA-ის ფინალს, პრემიერ ტურნირებს, საერთაშორისო ტურნირებს და WTA-ის ელიტ ტროფის. WTA ასევე ზედამხედველობს 125K სერიების ტურნირებს, რომლებიც მეორე დონის გათამაშებებია. მესამე დონის ITF-ის ქალთა ტურნირებს ITF, იგივე საერთაშორისო ჩოგბურთის ფედერაცია უწევს ზედამხედველობას. ამ ტურნირებზე მოპოვებული ქულები მოთამაშეებს WTA-ის რეიტინგში ეთვლებათ.

WTA-ის რეიტინგი[რედაქტირება | წყაროს რედაქტირება]

WTA მთელი წლის განმავლობაში ყოველკვირეულად აქვეყნებს მოთამაშეების რეიტინგს. სხვადასხვა ტურნირებზე მონაწილეობით, ჩოგბურთელები აგროვებენ სარეიტინგო ქულებს. აღნიშნული რეიტინგი მნიშვნელოვანია ტურნირებზე მოთამაშეების კვალიფიკაციისთვის და განთესვისთვის როგორც ერთეულთა, ასევე წყვილთა თანრიგში. წლის განმავლობაში 8 უმაღლესი რეიტინგის მოთამაშე და ასევე 8 უმაღლესი რეიტინგის წყვილი, მონაწილეობას მიიღებს WTA-ის ფინალში, რომელიც ოქტომბერში ტარდება. მოთამაშე, რომელიც წლის განმავლობაში ყველაზე მეტ ქულას დააგროვებს, წელიწადს მსოფლიოს პირველ ჩოგნად ასრულებს.

რესურსები ინტერნეტში[რედაქტირება | წყაროს რედაქტირება]