ქალთა ნაციონალური საკალათბურთო ასოციაცია (ინგლ.Women's National Basketball Association, WNBA) — ქალთა პროფესიონალური საკალათბურთო ლიგა აშშ-ში, სადაც ამჟამად 12 გუნდია თავმოყრილი. ლიგა დაარსდა 1996 წლის 24 აპრილს, როგორც ქალთა NBA-ის ლიგა. ლიგამ ასპარეზობა 1997 წლიდან დაიწყო. რეგულარული სეზონი ტარდება ივნისიდან სექტემბრამდე, ხოლო WNBA-ის ფინალური სერია ოქტომბრის თვეში.
ბევრ WNBA-ის გუნდს ჰყავს პარკეტის პარტნიორი NBA-ში და იყოფენ იგივე არენას. კონექტიკუტ სანი, სიეტლ სტორმი და ტულსა შოკი არიან მხოლოდ ის წევრები, რომლებიც არენას არ იყოფენ NBA-ის გუნდებთან (მიუხედავად ამისა, სტორმს ჰყავდა ასეთი პარტნიორი სიეტლ სუპერსონიქსის სახით, სანამ გუნდი არ გადავიდოდა ოკლაჰომა-სიტიში). 4 გუნდი, ატლანტა დრიმი და ლოს-ანჯელეს სპარკსის ჩათვლით, არიან დამოუკიდებელი მფლობელებით. ეს დამოუკიდებელი მფლობელები ძალიან მნიშვნელოვანია WNBA-ის გაზრდაში. თუმცა იყო პერიოდი, როდესაც ყველა გუნდს NBA ფლობდა.
