ქალები ნერვული აშლილობის ზღვარზე

„,,ქალები ნერვული აშლილობის ზღვარზე“
	Mujeres al borde de un ataque de nervios
რეჟისორი	პედრო ალმადოვარი
სცენარისტი	პედრო ალმადოვარი
მუსიკა	ბერნარდო ბონეზი
გამოსვლის თარიღი	25 მარტი, 1988
ხანგრძლივობა	89 წუთი
ქვეყანა	ესპანეთი
ენა	ესპანური
ბიუჯეტი	700 ათასი აშშ დოლარი

ქალები ნერვული აშლილობის ზღვარზე'' ( ესპ. Mujeres al borde de un ataque de nervios ) — ესპანელი კინორეჟისორ პედრო ალმადოვარის 1988 წლის დრამატული ფილმი, შავი იუმორის ელემენტებით. მთელი ფილმის განმავლობაში იკვეთება სასოწარკვეთილი ქალების იმპულსური ქმედებები წარუმატებელი სიყვარულის საფუძველზე (აივნიდან გადახტომა, ნივთების დაწვა და ა.შ).

სიუჟეტი[რედაქტირება | წყაროს რედაქტირება]

ფილმის მთავარი გმირი, პეპა სატელეფონო ზარით მიატოვა საყვარელმა, ივანმა. ქალი მთელი ძალებით ცდილობს მის პოვნასა და სიტუაციაში გარკვევას, რაშიც ხელს უშლის ივანის ყოფილი ცოლი ლუისა, რომელიც ახალი გამოწერილი იყო ფსიქიატრიული კლინიკიდან. თავის მხრივ პეპას მეგობარი კანდელა აღმოაჩენს, რომ მისი შეყვარებული ტერორისტია, რომელიც თვითმფრინავის გატაცებას გეგმავს ამიტომ მიადგება პეპას, დარწმუნებული იმაში, რომ მას ეძებს პოლიცია. ამ დროს, მთავარი გმირის სახლში სადაც უკვე იმყოფება კანდელა მოვლენ ივანის შვილი, კარლოსი და მისი მეგობარი გოგონა, მარისა. დაქალის პრობლემის მოსაგავრებლად პეპა წავა ადვოკატთან, პაულინა მორალესთან, რომელიც როგორც ბოლოს გაირკვევა ივანის ახალი საყვარელი აღმოჩნდება. ფილმში განვითარებული ერთმანეთში ჩახლართული ისტორიები კიდევ უფრო აირევა, როდესაც გმირები აღმოაჩენენ, რომ კანდელას ყოფილი შეყვარებული სწორედ იმ თვითმფრინავის გატაცებას გეგმავს, რომლითაც მიფრინავს ივანი. ამიტომ, ყველა მის გადასარჩენად გაიქცევა. ყველაფერი მეტ-ნაკლებად მშვიდობიანად დასრულდება.