ფრედერიკ ჰერცბერგი

მასალა ვიკიპედიიდან — თავისუფალი ენციკლოპედია
ფრედერიკ ჰერცბერგი
ინგლ. Frederick Hertzberg
დაბ. თარიღი 18 აპრილი, 1923(1923-04-18)
დაბ. ადგილი ლინი
გარდ. თარიღი 19 იანვარი, 2000(2000-01-19) (76 წლის)
გარდ. ადგილი სოლტ-ლეიკ-სიტი
მოქალაქეობა  აშშ
საქმიანობა ფსიქოლოგი, უნივერსიტეტის პროფესორი, სოციოლოგი და ეკონომისტი
მუშაობის ადგილი კეიზის დასავლეთ სარეზერვო უნივერსიტეტი და იუტის უნივერსიტეტი
ალმა-მატერი ნიუ-იორკის საქალაქო კოლეჯი და University of Pittsburgh Graduate School of Public Health

ფრედერიკ ჰერცბერგი (ინგლ. Frederick Irving Herzberg დ. 17 აპრილი, 1923 — გ. 19 იანვარი, 2000) — ამერიკელი ფსიქოლოგი, რომელიც ერთ-ერთი გავლენიანი პირი გახდა ბიზნესის მენეჯმენტში.


მისი ყველაზე ცნობილი ნაშრომია მოტივატორ-ჰიგიენური თეორია (ჰერცბერგის ორფაქტორიანი თეორია). მისი პუბლიკაცია: „კიდევ ერთხელ, როგორ მოვახდინოთ თანამშრომლების მოტივაცია?“ გაიყიდა 1.2 მილიონ ეგზემპლარად და 1987 წლისათვის იყო ყველაზე მოთხოვნადი სტატია ჰარვარდის ბიზნეს ჟურნალიდან. ჰერცბერგი სწავლობდა ნიუ-იორკის „ქალაქის კოლეჯში“, მაგრამ მან მიატოვა სწავლა რათა ემსახურა არმიაში. ჰერცბერგს სჯეროდა რომ ეს გამოცდილება იყო ის რამაც მისი ინტერესი წარმართა მოტივაციისაკენ. 1946 წელს მან დაამთავრა ნიუ-იორკის ქალაქის კოლეჯი და მუშაობა დაიწყო პიტსბურგის უნივერსიტეტში, ასევე მუშაობდა ფსიქოლოგიის პროფესორად კლივლენდის „Case Western Reserve University“-ში და მოგვიანებით იუტას უნივერსიტეტში მენეჯმენტის პროფესორის თანამდებობაზე.

ჰერცბერგის ორფაქტორიანი თეორია[რედაქტირება | წყაროს რედაქტირება]

ჰერცბერგის თეორიის თანახმად, ხალხზე ზეგავლენას ახდენს ორი ტიპის ფაქტორი: ჰიგიენური და მოტივაციური ფაქტორები.

მოტივაციური ფაქტორები ჰიგიენური ფაქტორები
  • მიღწევა
  • აღიარება
  • დამოუკიდებლად მუშაობა
  • პასუხისმგებლობა
  • დაწინაურება
  • ზრდა
  • ხელფასი და სარგებელი
  • კომპანიის პოლიტიკა და ადმინისტრაცია
  • თანამშრომლებთან ურთიერთობები
  • სტატუსი
  • სუპერვიზია
  • სამუშაო უსაფრთხოება
  • სამუშაო პირობები

მან შემოგვთავაზა რამდენიმე ძირითადი დებულება თავის შრომებზე დაყრდნობით:

  1. ხალხი უკმაყოფილოა ცუდი გარემოთი, მაგრამ ისინი იშვიათად არიან კმაყოფილნი კარგი გარემოთი.
  2. უკმაყოფილების პრევენცია ისევე მნიშვნელოვანია, როგორც კმაყოფილების მოტივატორების გამოწვევა.
  3. ჰიგიენური ფაქტორები მოტივაციურ ფაქტორებისაგან დამოუკიდებლად მოქმედებენ.
  4. პიროვნება შეიძლება ძლიერ მოტივირებული იყოს თავისი სამუშაოთი, მაგრამ უკმაყოფილო იყოს სამუშაო გარემოთი.
  5. ყველა ჰიგიენური ფაქტორი თანაბრად მნიშვნელოვანია,თუმცა მათი გავრცელების სიხშირე მნიშვნელოვნად განსხვავებულია.
  6. ჰიგიენური ფაქტორები მოკლე ვადით აღკვეთავს უკმაყოფილებას.
  7. ჰიგიენური მოთხოვნილებები თავისი ბუნებით წრიულია და საწყის პოზიციას უბრუნდება. მას მივყავართ „რა გაგიკეთებია ჩემთვის ბოლო დროს?“ სინდრომამდე.

ჰიგიენური მოთხოვნილებების დაკმაყოფილებას შეუძლია შეამციროს და აღმოფხვრას უკმაყოფილება,თუმცა კმაყოფილებას ვერ გამოიწვევას.