ფოლგენის შეღებვა

ფოლგენის შეღებვა — შეღებვის ტექნიკა, რომელიც შეიმუშავა რობერტ ფოლგენმა და გამოიყენებოდა ჰისტოლოგიაში უჯრედის ნიმუშებში ქრომოსომული მასალის ან დნმ-ის იდენტიფიცირებისთვის. მეთოდი დამოკიდებულია დნმ-ის მჟავა ჰიდროლიზზე, ამიტომ თავიდან უნდა იქნას აცილებული ფიქსატორების გამოყენება, რომლის შემადგენლობაშიც შედიან ძლიერი მჟავები.

ნიმუში მუშავდება თბილი (60 °C) მარილმჟავათი, შემდეგ შიფის რეაგენტით. საბოლოოდ, იგი დეჰიდრატირდება ეთანოლით, იწმინდება ქსილენით და მონტირება ხდება ფისოვან მედიუმში.

დნმ იღებება წითლად, ფონი, თუკი ხდება კონტრასტირება - მწვანედ.

აღნიშნული ტექნიკის გამოყენებით დადგინდა, რომ ინტერფაზური უჯრედები შესაძლოა შედგებოდეს ჰაპლოიდური ან დიპლოიდური გენომისგან, რა დროსაც ბირთვები იდენტური ჩანს, თუმცა მათი ნაწილი შეიცავს ორჯერ მეტ დნმ-ს. აღნიშულიდან გამომდინარე უჯრედული ციკლის ინტერფაზური პერიოდის დაიყო G1, S და G2 ფაზებად.