ფიჭვის პარკხვევია

მასალა ვიკიპედიიდან — თავისუფალი ენციკლოპედია
Jump to navigation Jump to search
ქერცლფრთიანები
ფიჭვის პარკხვევია
მეცნიერული კლასიფიკაცია
სამეფო:  ცხოველები
ტიპი:  ფეხსახსრიანები
კლასი:  მწერები
რიგი:  ქერცლფრთიანები
ლათინური სახელი
Dendrolimus pini

ფიჭვის პარკხვევია (ლათ. Dendrolიmus pini) — პეპელა პარკხვევიების ოჯახისა. წიწვოვანთა მავნებელია. მისი ფრთების შლილი 60—90 მმ აღწევს. უმეტესად მორუხო-მოყავისფროა. მუხლუხის სიგრძე დაახლოებით 75 მმ-ია, ფერად რუხია, აქვს შხამიანი მოწითალო ბეწვები. გავრცელებულია იქ, სადაც ფიჭვი და წიწვოვანი ხეებია. საქართველოში უმეტესად გვხვდება ბორჯომის ხეობის ფიჭვნარებში. კვერცხს დებს ჯგუფურად წიწვებსა და ტოტებზე. კვერცხის ფაზა 25 დღემდე გრძელდება, გენერაცია — წლამდე. მუხლუხი გამოიზამთრებს მკვდარ საფარში 5—6 სმ სიღრმეზე. აპრილში მუხლუხი ხეზე ადის და წიწვებით იკვებება, ჭუპრდება სპეციალურ პარკებში, ხის ქერქის ნაპრალებში. მავნებლის წინააღმდეგ ბრძოლაში კარგ შედეგს იძლევა ქლოროფოსის ან ბაქტერიული პრეპარატების შესხურება და სხვა.

გალერეა[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]