ფილოსოფიის ინსტიტუტი

მასალა ვიკიპედიიდან — თავისუფალი ენციკლოპედია
Jump to navigation Jump to search

ფილოსოფიის ინსტიტუტისავლე წერეთლის სახელობისა, საქართველოს მეცნიერებათა აკადემიისა, სამეცნიერო-კვლევითი დაწესებულება. დაარსდა 1946 წელს საქართველოს მეცნიერებათა აკადემია ისტორიის ინსტიტუტთან შექმნილ ფილოსოფიურ სექტორის ბაზაზე. 1997 წელს მიენიჭა სავლე წერეთლიის სახელი. ინსტიტუტის დირექტორები: პ. შარია (1946-1948), ს. წერეთელი (1948-1953 და 1957-1966), ა. ქუთათელია (1953) დ. კალანდაძე (1953-1955), ს. ლარცულიანი (1955-1957), აკადემიის წევრი კორესპონდენტი ნ. ჭავჭავაძე (1967-1997), თ. ბუაჩიძე (1997-დან). ფილოსოფიის ინსტიტუტი მუშაობს ადამიანის, კულტურის, ღირებულებათა პრობლემებზე; ეროვნულ და სოციალურ-პოლიტიკურ პროცეზებზე პოსტკომუნისთურ საქართველოში, ონტოლოგიის, შემეცნების თეორიის, ლოგიკის, მსოფლიო და ქართულ ფილოსოფიურ ისტორიის და სხვა საკითხებზე. აგრეთვე ფილოსოფიური ძეგლების თარგმნაზე. აქვს 10 განყოფილება, აქვს აგრეთვე 1 ლაბორატორია, ასპირანტურა და ჰყავს 1 პრობლემური ჯგუფი. ფილოსოფიის ინსტიტუტში მუშაობენ საქართველოს მეცნიერული აკადემიის აკადემიკოსები: კ. ბაქრაძე, ა. ბოჭორიშვილი, შ. ხიდაშელი, გ. თევზაძე, წევრი კორესპონდენტები: ნ. ჭავჭავაძე, ო. ჯიოევი. გამოკვლევები ქვეყნდებოდა ფილოსოფიის ინსტიტუტის "ნაშრომებში", ამჟამად ქვეყნდება საქართველოს მეცნიერული აკადემიის ჟურნალ "მაცნეში". ინსტიტუტს აქვს ბაკალავრია.

ლიტერატურა[რედაქტირება | წყაროს რედაქტირება]

  • ენციკლოპედია თბილისი, თბ., 2002, გვ. 872