ფილოსოფოსთა საზოგადოება

ფილოსოფოსთა საზოგადოება — საქართველოსი, საქართველოს მეცნიერებათა აკადემიასთან არსებულ ნებაყოფლობითი სამეცნიერო საზოგადოება. აერთიანებს ფილოსოფოსებს და ფილოსიფიით დაინტერესებულ პირებს. 1918 წელს თბილისის სახელმწიფო უნივერსიტეტის დაარსებასთან ერთად გაიხსნა „პეტრიწის სახელობის საფილოსიფიო საზოგადოება“, თუმცა მან მალევე შეწყვიტა არსებობა. 1978 წელს აღდგა სსრ კავშირის ფილოსოფოსთა საზოდოების საქართველოს ფილიალის სახით, 1991 წლის მაისიდან გახდა საქართველოს ფილოსოფოსთა საზოგადოება. საზოგადოების მიზანია ფილოსოფიური განათლების და ცოდნის პოპულარიზაცია, დისკუსიების მოწყობა, ფილოსოფიური ნაშრომების თარგმნა, კვლევებისათვის ხელშეწყობა და შემოქმედებითი ატმოსფეროს შექმნა.

ლიტერატურა

• ენციკლოპედია თბილისი, თბ., 2002, გვ. 872