ფიის წმინდა თევდორეს ეკლესიის წარწერა

ფიის წმინდა თევდორეს ეკლესიის წარწერა — ძველი ქართული წარწერა ასპინძის მუნიციპალიტეტის სოფელ ფიის წმინდა თევდორეს ეკლესიაში. თარიღდება 995 წლით.

წარწერა

წმინდა თევდორეს ეკლესიის ტრაპეზზე ამოღარულია ექვსსტრიქონიანი წარწერა:

1. სხლითა ღთა მე ჩ
2. ქრმნ და ძმთ
3. ა ჩემთა დავ
4. დგით ესე ეკლეს–
5. ჲ ქრკნი იყო
6. სიე

ანუ:

1. სახელითა ღმრთისაჲთა მე ჩ–
2. ქარმან (?), და ძმათ–
3. ა ჩემთა დავ–
4. დგით ესე ეკლეს–
5. იაჲ. ქრონიკონი იყო
6. სიე

დახასიათება

ლ გრაფემა ნუსხურად არის დაწერილი (შდრ. ახალსოფლის ეკლესიის წარწერა). საკუთარ სახელს (ჩქარმან? ჩექურმან?) დაერთვის მოთხრობითი ბრუნვის მან ნიშანი. საინტერესოა გამოთქმა: დავდგით ესე ეკლესიაჲ.

დათარიღება

წარწერა თარიღიანია: ქრონიკონი სიე = 215, რასაც ემატება 780. შესაბამისად წარწერა 995 წლით განისაზღვრება.

ლიტერატურა

• ნ. შოშიაშვილი, ქართული წარწერების კორპუსი, I, თბ., 1980, გვ. 270
• კ დანელია, ზ. სარჯველაძე, ქართული პალეოგრაფია, თბ., 1997, გვ. 57
• ვ. ცისკარიშვილი, ჯავახეთის ეპიგრაფიკა, როგორც საისტორიო წყარო, თბ., 1959, გვ.25-27
• გ. გაფრინდაშვილი, 995 წ. ხუროთმოძღვრული ძეგლი ნასოფლარ ფიაში, საქართველოს სსრ მეცნიერებათა აკადემიის მოამბე, 1956, ტ. XVII, N8, გვ.761-768
• გ. ბოჭორიძე, მოგზაურობა სამცხე-ჯავახეთში, თბ., 1992, გვ. 221-224