ფერღანის ოლქი
| ადმინისტრაციული ერთეული | ||
|---|---|---|
|
ფერღანის ოლქი უზბეკ. Farg‘ona viloyati | ||
| ქვეყანა |
 უზბეკეთი | |
| ადმ. ცენტრი | ფერღანა | |
| კოორდინატები | 40°25′48″ ჩ. გ. 71°21′00″ ა. გ. / 40.43000° ჩ. გ. 71.35000° ა. გ. | |
| მმართველი | Q106508385? | |
| დაარსდა | 15 იანვარი, 1938 | |
| ფართობი | 6760 კმ² | |
| მოსახლეობა | 3 564 800 (2017)[1] | |
| სასაათო სარტყელი | UTC+05:00 | |
| ოფიციალური საიტი | http://en.ferghana.uz/ | |
| ||
ფერღანის ოლქი (ვილაეთი) (უზბეკ. Farg‘ona viloyati) — უზბეკეთის რესპუბლიკის ადმინისტრაციული ერთეული. ადმინისტრაციული ცენტრი — ქალაქი ფერღანა.
ზოგადი მიმოხილვა[რედაქტირება | წყაროს რედაქტირება]
შეიქმნა 1938 წლის 15 იანვარს. მდებარეობს რესპუბლიკის აღმოსავლეთ ნაწილში, ფერღანის ქვაბულის სამხრეთში. ფართობი 6.8 ათასი კმ². ოლქის ჩრდილოეთ ნაწილშია ქუშთეფეს მასივი და იაზიავანის სტეპი (ცენტრალური ფერღანა), რომლებიც სამხრეთიდან შემოფარგლულია ალაის ქედიდან ჩამონადენი მდინარეების გამოზიდვის კონუსებით. ჰავა კონტინენტურია. ოლქის ჩრდილო-დასავლეთ საზღვარზე მიედინება მდინარე სირდარია. მდინარეები ფართოდაა გამოყენებული სარწყავად. ფერღანის ოლქი მებამბეობისა და მეაბრეშუმეობის მთავარი რაიონია. მთელი სათესი ფართობი სარწყავია. გაყვანილია საირიგაციო არხები და შექმნილია წყალსაცავები (ქარიდონის, ყურღანთეფეს). ნათესების 67% უკავია ტექნიკურ კულტურებს (ბამბა). მოჰყავთ სიმინდი, ხორბალი, ბრინჯი, სუბტროპიკული კულტურები (ბროწეული, ლეღვი), ვაშლი, გარგარი, ყურძენი და სხვა. კარტოფილი და ბოსტნეულ-ბაღჩეული კულტურები — ქალაქის გარეუბნებში. მებამბეობის რაიონებში განვითარებულია მეაბრეშუმეობა. მეცხოველეობა სახორცო-სარძეო მიმართულებისაა. მცხვილ რქოსანი საქონელი სარწყავ ზონაშია, ბუნებრივ საძოვრებზე მისდევენ მეცხვარეობას. ქალაქი ფერღანა ავიახაზებით უკავშირდება ქვეყნისა და აზიის მრავალ ქალაქს.
ჯილდოები და მედლები[რედაქტირება | წყაროს რედაქტირება]
ოლქი დაჯილდოებულია ლენინის ორდენით (1964).
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 10, თბ., 1986. — გვ. 272-273.
სქოლიო[რედაქტირება | წყაროს რედაქტირება]
| |||||||||||