ფარნაოზ ერთელიშვილი

ფარნაოზ ერთელიშვილი
დაბადების თარიღი	27 თებერვალი, 1923(1923-02-27)
დაბადების ადგილი	თბილისი, საქართველოს სსრ, სსრკ
გარდაცვალების თარიღი	6 ივლისი, 1972(1972-07-06) (49 წლის)
საქმიანობა	ენათმეცნიერი , მწერალი და პედაგოგი
მოქალაქეობა	სსრკ
ალმა-მატერი	თბილისის სახელმწიფო უნივერსიტეტი

ფარნაოზ გიორგის ძე ერთელიშვილი (დ. 27 თებერვალი, 1923, თბილისი — გ. 6 ივლისი, 1972, იქვე) — ქართველი ენათმეცნიერი, მწერალი, პედაგოგი. ფილოლოგიის მეცნიერებათა დოქტორი (1968), პროფესორი (1969).

ბიოგრაფია

1950 წელს დაამთავრა დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

მუშაობდა თბილისის სახელმწიფო უნივერსიტეტის ახალი ქართული ენის კათედრაზე. იყო ერთ-ერთი ინიციატორი თსუ-ში ტოპონიმიკური ცენტრის — ტოპონიმიკის ლაბორატორიის შექმნისა.

ავტორია მონოგრაფიებისა: „რთული წინადადების ისტორიისათვის ქართულში“ (1963), „ზმნის ფუძეთა ფონემატური სტრუქტურისა და ისტორიის საკითხები ქართულში“ (1970), „სახელურ ფუძეთა ფონემატური სტრუქტურისა და ისტორიის საკითხები ქართულში“ (1980). მნიშვნელოვანი გამოკვლევები აქვს ქართული ენის ფონეტიკის, მორფოლოგია-სინტაქსისა და ლექსიკა-ფრაზეოლოგიის საკვანძო საკითხებზე.

მისი იგავ-არაკების კრებული „ძალა და აღმართი“ ქართული ანდაზების თემაზეა დაწერილი.

ლიტერატურა

• აფრიდონიძე შ., ენციკლოპედია „საქართველო“, ტ. 3, თბ., 2014. — გვ. ?.

რესურსები ინტერნეტში

• ფარნაოზ ერთელიშვილი — საქართველოს ბიოგრაფიული ლექსიკონი