ფარაჯ კარაევი
| ფარაჯ კარაევი | |
|---|---|
| აზერ. Fərəc Qarayev | |
 | |
| ბიოგრაფია | |
| დაბ. თარიღი | 19 დეკემბერი 1943 |
| დაბ. ადგილი | ბაქო[1] |
| წარმოშობა |
 აზერბაიჯანი |
| გარდ. თარიღი | ბაქო, აზერბაიჯანის სსრ, სსრკ |
| ჟანრ(ებ)ი | კლასიკური მუსიკა |
| საქმიანობა | კომპოზიტორი, მუსიკის პედაგოგი |
| საიტი | karaev.net |
ფარაჯ კარა-ოღლუ კარაევი (აზერ. Fərəc Qara oğlu Qarayev; დ. 19 დეკემბერი, 1943, ბაქო) — რუს-აზერბაიჯანელი კომპოზიტორი და პედაგოგი, პროფესორი, აზერბაიჯანელი კომპოზიტორის კარა კარაევის შვილი, პ. ი. ჩაიკოვსკის სახელობის მოსკოვის კონსერვატორიის პროფესორი. აზერბაიჯანის სახალხო არტისტი.
ბიოგრაფია[რედაქტირება | წყაროს რედაქტირება]
1966 წელს წარჩინებით დაამთავრა უზ. გაჯიბეკოვის სახელობის აზერბაიჯანის სახელმწიფო კონსერვატორია საკუთარი მამის, პროფესორი კარა კარაევის კომპოზიციის კლასით, 1971 მასთანვე — ასპირანტურა. 1966-დან 2003 წლამდე ასწავლიდა კომპოზიციას, ინსტრუმენტულობას და პოლიფონიას აზერბაიჯანის სახელმწიფო კონსერვატორიაში (1991 წლიდან — ბაქოს მუსიკალური აკადემია), 1994 წლიდან — პროფესორი. 1991 წლიდან ცხოვრობდა ბაქოში და მოსკოვში. 1999 წლიდან — პ. ი. ჩაიკოვსკის სახელობის მოსკოვის სახელმწიფო კონსერვატორიის მუსიკალური თეორიის კათედრის პროფესორი, ასწავლის ინსტრუმენტალობის კურსს და (ცალკეულ სასწავლო წლებში) — ინსტრუმენტთმცოდნეობას.[2]
2003 წლიდან — ნ. ჟიგანოვის სახელობის ყაზანის სახელმწიფო კონსერვატორიის კომპოზიციის კათედრის პროფესორი. 1994–1996 წწ. თანამედროვე მუსიკის მოსკოვის ასოციაციის (თმა) ვიცე-პრეზიდენტი. 1995 წლიდან მის მიერ ბაქოში დაარსებული თანამედროვე მუსიკის საზოგადოების პრეზიდენტი Yeni Musiqi. 1980–1994 წწ. სამხატვრო ხელმძღვანელი ВаКаRА-ENSEMBLE (ბაქო). 1991–1992 წწ. — ა. კრუპას კულტურული ფონდის სტიპენდიანტი (ესენი, გერმანია).
აზერბაიჯანის პრეზიდენტის 2018 წლის 27 მაისის განკარგულებით „აზერბაიჯანული კულტურის განვითარებაში შეტანილი ღვაწლისათის“ ფარაჯ კარაევს მიენიჭა აზერბაიჯანის რესპუბლიკის სახალხო არტისტის წოდება.[3]
სქოლიო[რედაქტირება | წყაროს რედაქტირება]
- ↑ Deutsche Nationalbibliothek Record #139223622 // ინტეგრირებული ნორმატიული ფაილი — 2012—2016.
- ↑ Qara Qarayevin oğlu Fərəc Qarayev: „Evə gələndə üst-başı qan içində idi…“ — FOTO 01.10.2010 milli.az
- ↑ Распоряжение Президента Азербайджанской Республики о присвоении почетных званий деятелям культуры Азербайджанской Республики