უმ-ლაისუნის ქართული წარწერა

მასალა	კირქვა
ზომა	81 × 49 სმ
დამწერლობა	ასომთავრული
შექმნის თარიღი	V-VI საუკუნე
აღმოაჩინეს	2002 წელი უმ-ლაისუნი, იერუსალიმთან
ამჟამინდელი ადგილმდებარეობა	ქნესეთის არქეოლოგიური ბაღი, ისრაელის სიძველეთა სამმართველო, იერუსალიმი

უმ-ლაისუნის ქართული წარწერა — ასომთავრული წარწერა, რომელიც აღმოჩენილია იერუსალიმის სამხრეთ-აღმოსავლეთით 4,5 კილომეტრში მდებარე სოფელ უმ-ლაისუნში. წარწერა აღმოაჩინეს 2002 წელს, 1996 წელს განახლებული გათხრების შემდეგ ბიზანტიის პერიოდის ქართულ მონასტერში.

ქართული წარწერით გამოვლენილი ყველაზე მნიშვნელოვანი საფლავის ბინადარი იყო „ქართველი ეპისკოპოსი იოანე“. პალეოგრაფიული ნიშნებით წარწერა V-VI საუკუნეებით თარიღდება. მან შინაარსითაც მიიქცია სპეციალისტების ყურადღება. ამ წარწერაში გვხვდება ეთნონიმ „ქართველის“ (ႵႠႰႧႥႤႪႨ) წერილობით ძეგლებზე უადრესი დოკუმენტურად დადასტურების ფაქტი.

წარწერის ქვის ზომებია 81 × 49 სმ. ამჟამად ინახება ქნესეთის არქეოლოგიურ ბაღში.

წარწერა

„

ႤႱႤႱႠႫႠႰႾႭჂ ႨႭჀႠႬႤႴႭჃႰ ႲႠႥႤႪႤႮႨႱႩႭႮႭ ႱႨႱႠჂႵႠႰႧႥႤ ႪႨႱႠჂ

“

იკითხება ასე:„ესე სამარხოჲ იოჰანე ფურტაველ ეპისკოპოსისაჲ ქართველისაჲ“

იხილეთ აგრეთვე

• პალესტინის ქართული წარწერები
• ნაზარეთის ქართული წარწერები
• სამუელის ეპიტაფია

ლიტერატურა

• Seligman, J. (2015). „A Georgian Monastery from the Byzantine Period at Khirbat Umm Leisun, Jerusalem“. ‘Atiqot. 83: 145–180. ციტირების თარიღი: 2020-11-29.