ტყარშეტის სამაროვანი

ტყარშეტის სამაროვანი — არქეოლოგიური ძეგლი, მდებარეობს სოფლის ბოლოს, „კვირას“ ეკლესიის სამხრეთ-აღმოსავლეთით. თარიღდება შუა საუკუნეებით.

1972 წელს, შეისწავლა ისტორიის, არქეოლოგიისა და ეთნოგრაფიის ინსტიტუტის ჟინვალის არქეოლოგიური ექსპედიციისხევის რაზმმა (ხელმძღვანელი გ. ღამბაშიძე). გათხრილია ფიქლის ორი ქვაყუთი. ერთ-ერთ სამარხში აღმოჩნდა სამი ჩონჩხის ნაშთი, მეორეში — მარცხენა გვერდზე დასვენებული, ხელფეხმოხრილი მიცვალებულის ჩონჩხის ნაწილები და ბრინჯაოს ხუთი ბეჭედი. ორივე სამარხში შეიმჩნევა ნახშირის კვალი.

ლიტერატურა

• ხუციშვილი მ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 478.