ტოგო (ტბა)
| ტოგო | |
|---|---|
| ფრანგ. Lac Togo | |
| კოორდინატები: 6°15′00″ ჩ. გ. 1°25′00″ ა. გ. / 6.25000° ჩ. გ. 1.41667° ა. გ. | |
| მდებარეობა | .svg){kind=small} ტოგო
|
| ტერიტორიული ერთეული | ზღვისპირეთის რეგიონი |
| სიმაღლე ზღვის დონიდან | 0 მ |
| სიგრძე | 15 კმ |
| სიგანე | 6 კმ |
| ფართობი | 64 კმ² |
| ჩამდინარე მდინარეები | სიო, ჰაჰო |
  | |
ტოგოს ტბა (ფრანგ. Lac Togo) — ყველაზე უფრო დიდი ტბა ტოგოში. ის პოპულარული ადგილია საწყლოსნო სპორტისთვის. ტბის ნაპირებზე მდებარეობენ პატარა სოფლები – აგბოდრაფო და ტოგოვილი.[1] ტოგოს ტბაზე ძირითადი სატრანსპორტო საშუალებაა პიროგა.[2]
მოკლე აღწერა
[რედაქტირება | წყაროს რედაქტირება]ტოგოს ტბა სიგრძეში აღწევს დაახლოებით 15 კმ-ს, სიგანეში 6 კმ-ს და მისი ფართობია 64 კმ². ის წყალს იღებს ორი მთავარი მდინარისგან – სიოსგან და ჰაჰოსგან, ასევე ბევრი სხვა უფრო პატარა მდინარეებისგან. ტბა გამოყოფილია ოკეანისგან ქვიშის ყელით, რომლის სიგანეა დაახლოებით 1 კმ. ტოგოს ტბა შეერთებულია გაცილებით პატარა ტბა ვოგანთან ვიწრო არხის მეშვეობით და მცირე ტბების ჯგუფთან ერთად ისინი ქმნიან ლაგუნების სისტემას ოკეანის სანაპიროს გასწვრივ.[3]
მთავარი ავტოგზა გადის ქვიშის ყელზე ტბის სამხრეთით, ხოლო რამდენიმე მცირე გზა გარს ერტყმის ტბას და ერთმანეთს უკავშირებენ პატარა სოფლებს. რაიონი არ არის მჭიდროდ დასახლებული და ნაკლებად მიმზიდველია ტურისტებისთვის. ეკონომიკის საფუძველს წარმოადგენს ექსტენსიური სოფლის მეურნეობა და თევზჭერა. ტბის ჩრდილოეთ ნაპირზე მოყავთ ქოქოსისა და ზეთის პალმები.[3]
ველური ბუნება
[რედაქტირება | წყაროს რედაქტირება]ტოგოს ტბა მასთან ახლომდებარე ვოგანის ტბასთან და სხვადასხვა სანაპირო ლაგუნებთან ერთად არის ფრინველების ბუდობის ადგილი. ისინი გარშემორტყმულია ჭალებით, რომლებიც დაფარული არიან ლერწმის და ლაქაშის ტიპის ტიპიური ჭალის ბალახეულობებით. მანგროს ტყეები არ არსებობს. ლაგუნების დატბორვის იშვიათ შემთხვევებში მათში ჩნდება სწრაფადმზარდი პისტია.[3]
ამ რაიონის ტბები, ჭაობები, ლაგუნები და სანაპირო ქვიშები ემსახურება დასვენების ადგილებს გადამფრენი წყალში მცურავი ფრინველებისთვის და ზღვის მერცხლებისთვის მათი დასავლეთ აფრიკაში მიგრაციის დროს.[4] ტბაში დაცურავენ თევზები, როგორც მდინარის, ასევე ზღვის. ყველაზე უფრო გავრცელებული სახეობებია — Tilapia და Chrysichthys. უხერხემლოები წარმოდგენილები არიან მუცელფეხიანი მოლუსკებით Pachymelania და Tympanotonos fuscatus, ასევე კიბოსნაირი Farfantepenaeus duorarum და Callinectes latimanus.[3]