ტინა ტერნერი

მასალა ვიკიპედიიდან — თავისუფალი ენციკლოპედია
ტინა ტერნერი

ტერნერის გამოსვლა 2009 წელს
ბიოგრაფია
ნამდვილი სახელი ანა მეი ბულოკი
აგრეთვე ცნობილი როგორც როკის დედოფალი
დაბ. თარიღი 26 ნოემბერი, 1939
დაბ. ადგილი Brownsville[1] [2] [3]
წარმოშობა ბრაუნსვილი, ტენესი, აშშ
გარდ. თარიღი 24 მაისი, 2023 (83 წლის)
გარდ. ადგილი კიუსნახტი[4] [5]
ეროვნება აფრო-ამერიკელები[6] [7]
ჟანრ(ებ)ი
საქმიანობა მომღერალი, სიმღერების ავტორი, მოცეკვავე, მსახიობი
ინსტრუმენტ(ებ)ი ვოკალი
აქტიური 1957–2009; 2020
ლეიბლ(ებ)ი
ხელმოწერა
საიტი tinaturnerofficial.com
ტინა ტერნერი ვიკისაწყობში

ტინა ტერნერი (ინგლ. Tina Turner; ნამდვილი სახელი, ანა მეი ბულოკი, დ. 26 ნოემბერი, 1939 — გ. 24 მაისი, 2023, კიუსნახტი, ციურიხი, შვეიცარია) — ამერიკელი მომღერალი, ავტორი, მოცეკვავე, ქორეოგრაფი და მსახიობი, რომლის კარიერა 60 წელიწადზე მეტ ხანს მოიცავს. თავისი მოღვაწეობის მანძილზე არაერთხელ იქნა წოდებული „როკ-ენ-როლის დედოფლად“.

ტინას მუსიკალური კარიერა დაიწყო აიკ ტერნერთან, მის მეუღლესთან ერთად. წარმატება დუეტს მოუტანა სინგლმა „Proud Mary“. მეუღლესთან პრობლემების და მასთან გაყრის შემდეგ ტინამ გამოსცა ავტობიოგრაფიული წიგნი „მე, ტინა“ (1977). სოლო-კარიერის დაწყებით მან განიმტკიცა სახელი მუსიკალურ სამყაროში, რასაც ხაზი გაესვა წარმატებული დისკით Private Dancer (1984).

მუსიკალურ კარიერასთან ერთად ტინამ მონაწილეობა მიიღო სხვადასხვა ფილმშიც. აღსანიშნავია მისი მონაწილეობა როკ-ოპერაში „ტომი“ და მიუზიკლში „სერჟანტ პეპერის მარტოსული გულების კლუბის ბენდი“. მაგრამ მის ყველაზე წარმატებულ კინოროლად ითვლება პერსონაჟი ფილმიდან შეშლილი მაქსი. ამ ფილმისათვის მის მიერ დაწერილი სიმღერა „We Don't Need Another Hero“ ასევე დიდი წარმატებით სარგებლობდა.

როგორც მსოფლიოს შოუ-ბიზნესის ერთ-ერთი ცნობილი ადამიანი, ტინა ჟურნალ „როლინგ სტოუნის“ მიერ დასახელებულია ყველა დროის ყველაზე წარმატებულ როკ-მომღერალ ქალბატონად და ყველა დროის ერთ-ერთ უდიდეს მომღერლად. მისი დისკების გაყიდული ასლების რაოდენობა 200 მილიონს შეადგენს. სტატისტიკით, მან გაყიდა ბევრად მეტი საკონცერტო ბილეთი, ვიდრე სხვა სოლო-შემსრულებელმა მუსიკის ისტორიაში. ტინას კონცერტები გამორჩეულია სცენაზე ენერგიული მოძრაობებით, მძლავრი ვოკალური ჟღერადობით და ა.შ. 2008-2009 წლებში ტერნერმა მოაწყო საიუბილეო ტურნე, რომელიც აღნიშნავდა მის 50 წლიან მუსიკალურ კარიერას. თავისი დროისთვის ეს ტური იქცა ყველაზე გაყიდვად საკონცერტო მოვლენად.

დისკოგრაფია[რედაქტირება | წყაროს რედაქტირება]

სტუდიური ალბომები[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

ვიკისაწყობში არის გვერდი თემაზე:

სქოლიო[რედაქტირება | წყაროს რედაქტირება]