ტეფტელი

მასალა ვიკიპედიიდან — თავისუფალი ენციკლოპედია
Jump to navigation Jump to search
Meatballs soup with ribs.jpg

ტეფტელი (ფრიკადელი, ხორცის ბურთულა, გუფთა) - პატარა ბურთულად დაზელილი ფარში, ხანდახან სხვა ინგრედიენტების დამატებით, მაგ - პურის ნამცეცები, წვრილად დაჭრილი ხახვი, ბრინჯი, კვერცხის ცილა, კარაქი, რაიმე სოუზი და სხვა [1]. მზადდება ორთქლზე, შეწვით, გამოცხობით ან მოხარშვით. არსებობს ბევრი ვარიაცია გამოყენებული ხორცის და სუნელების მიხედვით. ხანდახან საქონლის ხორცის მაგივრად თევზი ან ბოსტნეული გამოიყენება. თევზის ტეფტელს თევზის ბურთულებსაც უქოდებენ. არსებობს მსოფლიოს სხვადასხვა ქვეყნის სამზარეულოში სხვადასხვა სახელით, მაგალითად შვედეთში ტეფტელის ვარიაცია (შვედური ფრიკადელი) ერთ-ერთ ეროვნულ კერძად ითვლება - ტეფტელი დასავლურ ქვეყნებში იხმარება, როგორც ნებისმიერი ხორცის ბურთულის ზოგადი სახელი [2]. ქართულ სამზარეულოში ტეფტელის ვარიაცია ხორცის გუფთაა, რომელიც ქვეყანაში სავარაუდოდ სპარსეთის გავლენით გავრცელდა. ზოგადად აზიის ქვეყნებში გავრცელებულია გუფთის სხვადასხვა სახეობა, ევროპაში კი - ტეფტელის და ფრიკადელის, გამონაკლისია ევროპის ქვეყნები აზიური ქვეყნების დიდი გავლენით ან პირიქით.

ისტორია[რედაქტირება | წყაროს რედაქტირება]

ჩინეთში "ოთხი ბედნიერების ხორცის ბურთულის" რეცეპტი შანდონგის პროვინციაში გაჩნდა ძვ. წ. III საუკუნეში [3]. ტეფტელის მსგავსი რეცეპტები მრავლად არის რომაულ რეცეპტების წიგნებზში. სპარსეთში მათ ამზადებდნენ ცხვრის ხორცის ფორთოხლის ზომის ბურთად დაზელით კვერცხის ცილის და სუნელების დამატებით. ასეთ კერძს "კუპტა" ეწოდებოდება, ეს სიტყვა ითვლება ქართული გუფთის წინაპრად. ისტორიკოსების უმეტესობა ტეფტელის სამშობლოდ სპარსეთს მიიჩნევს. სპარსული მეთოდი შემდეგ აზიის სხვა ქვეყნებში და ევროპაში გავრცელდა, ცნობილია, რომ მსგავსი კერძი პოპულარული იყო შუა საუკუნეების ევროპაში [4]. დღეს ხორცის ბურთულა დასავლურ ქვეყნებში იტალიასთან ასოცირდება და იტალიური სახელწოდებით არის ცნობილი.

ევროპა[რედაქტირება | წყაროს რედაქტირება]

Dry-fried meatballs.jpg

დანიაში, ალბანეთში და ავსტრიაში ყველაზე გავრცელებულია შემწვარი ხორცის ბურთულები. ალბანეთში და იტალიაში დამატებით სუნელებში და ინგრედიენტებში შედის ყველი, საბერძნეთში - პიტნის ფოთოლი [5], უნგრეთში - პაპრიკა, ნიდერლანდებში - ბოსტნეული. იხმარება როგორც სხვადასხვა წვნიანის, მაკარონის, კარტოფილის პიურეს, მოხარშული ან გამომცხვარი კარტოფილის გარნირი. სოუზად გამოიყენება კეტჩუპი, კრემის სოუზი, ყავისფერი სოუზი, ტომატის სოუზი, ტყის სოკოს სოუზი და სხვა. გამოიყენება ღორის ან ძროხის ხორცი.

აზია[რედაქტირება | წყაროს რედაქტირება]

აზიაში და ბალკანეთში გავრცელებულია გუფთა. სპარსულად "კუპტა" ნიშნავს ტკეპნას, დაჭრას ან, გადატანითო მნიშვნელობით, ხორცის ბურთულას. გუფთა მზადდება ცხვრის ან ძროხის ხორცისგან (ინდოეთში პოპულარულია ვეგეტერიანული ვერსიაც) და ხშირად ახლავს რაიმე სუნელებით მდიდარი სოუზი. შეიძლება იყოს მსუბუქად ან ღრმად შემწვარი ან მოხარშული. ავღანეთში პივისთვისაც იყენებენ. ხშირად ემატება ბრინჯი, კარტოფილი, ხახვი, ბადრიჯანი, ზოგ ქვეყანაში - ბანანი, მწვანე ლობიო, თხის ხორცი, კომბოსტო.

ამერიკა[რედაქტირება | წყაროს რედაქტირება]

Spicy Meatballs and Spaghetti.jpg

აშშ-ში ტეფტელი იტალიელმა იმიგრანტებმა შემოიტანეს XX საუკუნის დასაწყისში სპაგეტისთან და სხვა იტალიაში გავრცელებულ კერძებთან ერთად. შემდგომში სპაგეტი ხორცის ბურზტულებით ამერიკაში ძალიან პოპულარული გახდა. ლათინურ ამერიკაძი ტეფტელი ესპანელმა იმიგრანტებმა შემოიტანეს. ესპანეთში კერძი არაბებმა ან ბერბერებმა შემოიტანეს ესპანეთის დაპყრობის შედეგაც, რის გამოც ხორცის ბურთულის აღმნიშვნელი სიტყვა ლათინურ ამერიკაში არაბული წარმოშობისაა.

წყაროები[რედაქტირება | წყაროს რედაქტირება]