ტეიჩი

მასალა ვიკიპედიიდან — თავისუფალი ენციკლოპედია
Jump to navigation Jump to search
ტეიჩი
Teiču dabas rezervāts.jpg
ქვეყანა ლატვიის დროშა ლატვია
ფართობი 19,779 ჰა
დაარსდა 1982

ტეიჩი (ლატვ. Teiču dabas rezervāts) — ნაკრძალი აღმოსავლეთ ლატვიაში . ის გადაჭიმულია მადონას მხარეში ვარკლიანის მხარესა და კრუსტპილსის მხარეში.

ცნობები[რედაქტირება | წყაროს რედაქტირება]

ტეიჩი შექმნილია 1982 წელს.[1] მისი მიზანია დაიცვას ჭაობი, რომელიც ერთ-ერთი უდიდესია ლატვიასა და ბალტიისპირეთში. ნაკრძალი მოიცავს 19,779 ჰექტარს (48,870 აკრი), რომლის 13,681 ჰექტარი (33,810 აკრი) შედგება ტეიჩის ჭაობისგან. ნოტიო ადგილებში 18 პატარა ტბაა ჩამოყალიბებული. ტყეებს ამ ტერიტორიაზე 3,729 ჰექტარი (9,210 აკრი) უკავია. ტეიჩის ნაკრძალი ქმნის ერთ-ერთ უმსხვილეს ეკოსისტემას ბალტიისპირეთიში.

ლატვიაში მხოლოდ ოთხი ასეთი ნაკრძალია (სულ 683 სპეციალურად დაცული ტერიტორიებიდან). ის არის ევროკავშირის მაშტაბით „natura2000“-ის წევრი. დაყოფილია ორ ნაწილად, რეგულირებადი დაშვების არეალი და შეზღუდული მისასვლელი ტერიტორია. აკრძალული დაშვების ფართობის ხელმისაწვდომობა ჩვეულებრივ აკრძალულია; სამეცნიერო მიზნებისთვის მხოლოდ ვიზიტების განხორციელება შეიძლება ჩატარდეს და მოითხოვს შესაბამისი ორგანოს ნებართვას. რეგულირებადი დაშვების არეალის ხელმისაწვდომობა შესაძლებელია წელიწადში (1 ივნისიდან 31 ოქტომბრის ჩათვლით), იმ შემთხვევაში, თუ სტუმრებს თან ახლავთ სათანადო რწმუნებული.

მის რეზერვში განლაგებულია იშვიათი ან საფრთხის ქვეშ მყოფი სახეობები, მათ შორის 38 სახეობის მცენარე და გვიმრანაირნი და 24 სახეობის ხავსი. ეს ადგილი მნიშვნელოვანია ცხოველებისთვის, ასევე უხერხემლოებისათვის. წარმოადგენს საერთაშორისო მნიშვნელობის ლოკალიზაციას, როგორც მიგრირებადი, ისე სეზონური ფრინველებისთვის. ლატვიის ჭაობში მცხოვრები ფრინველთა უმრავლესობის ნიმუში შეიძლება მოიძებნოს ამ ტერიტორიაზე, მაგალითად წეროები და ბატები.[2]

სქოლიო[რედაქტირება | წყაროს რედაქტირება]

  1. Teiču dabas rezervāts Latvian. Latvian Nature Conservation Agency. წაკითხვის თარიღი: 21 May 2015
  2. Teici Nature Reserve. Visit Latvia. დაარქივებულია ორიგინალიდან - 3 November 2012. წაკითხვის თარიღი: 21 May 2015