ტატიანა მალიშევა

ტატიანა კუზმას ასული მალიშევა (დ. 27 მაისი, 1932, მოსკოვი) ― საქართველოს სსრ-ში მოღვაწე რუსი მომღერალი, მეცო-სოპრანო, საქართველოს სსრ-ის სახალხო არტისტი (1980).

ბიოგრაფია

1953 წლიდან, ჯერ კიდევ სტუდენტი, იყო თბილისის ოპერისა და ბალეტის თეატრის წამყვანი სოლისტი (მეცო-სოპრანო). 1958 წელს დაამთავრა მოსკოვის კონსერვატორია. 1961 წლიდან არაერთხელ იყო მიწვეული მოსკოვის დიდი თეატრის სცენაზე. ჰქონდა მდიდარი კამერული რეპერტუარი.

ქართული რეპერტუარი: ნანო (ზ. ფალიაშვილი „დაისი“), დარეჯანი (მ. ბალანჩივაძე „დარეჯან-ცბიერი“), რუსუდანი (რ. გაბიჩვაძე „ნანა“); სხვა რეპერტუარი: კარმენი (ბიზე „კარმენი“), ამნერისი, აზუჩენა (ვერდი „აიდა“, „ტრუბადური“), ორტრუდა (ვაგნერი „ლოენგრინი“), ჟანა დ'არკი, პოლინა, გრაფინია, ოლგა (ჩაიკოვსკი „ორლეანელი ქალწული“, „პიკის ქალი“, „ევგენი ონეგინი“), ლიუბაშა (რიმსკი-კორსაკოვი „მეფის საცოლე“), რატმირი (გლინკა „რუსლან და ლუდმილა“), მარინა მნიშეკ (მუსორგსკი „ბორის გოდუნოვი“), ფროსია (პროკოფიევი „სიმიონ კოტკო“).

ჯილდოები და აღიარება

• 1980 — საქართველოს სსრ სახალხო არტისტი
• 2000 — ღირსების ორდენი

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 469-470.
• ქართული მუსიკის ენციკლოპედიური ლექსიკონი. – თბ., 2015. – გვ. 294;
• წიგნი ღირსებისა, ტ. 5 თბ., 2003 გვ. 10

რესურსები ინტერნეტში

• ტატიანა მალიშევა — საქართველოს ბიოგრაფიული ლექსიკონი