ტანგერანგი
მასალა ვიკიპედიიდან — თავისუფალი ენციკლოპედია
|
ქალაქი
|
ტანგერანგი (ინდო. Tangerang) — ქალაქი ინდონეზიაში, ბანტენის პროვინციაში. მდებარეობს ჯაკარტიდან დაახლოებით 25 კმ–ით დასავლეთით. წარმოადგენს მესამე უდიდეს ურბანულ ცენტრს დიდი ჯაკარტის აგლომერაციაში. 2010 წლის აღწერის მონაცემებით, მისი მოსახლეობა 1 797 715 ადამიანს შეადგენს.[1] ტანგერანგის ტერიტორიაზე მდებარეობს სუკარნო-ჰატას საერთაშორისო აეროპორტი, რომელიც მთელს ჯაკარტის აგლომერაციას ემსახურება.
ტანგერანგი იავის ინდუსტრიული და მანუფაქტურული კვანძია, ფუნქციონირებს 1 000–ზე მეტი ფაბრიკა. ქარხნებს ფლობს მრავალი საერთაშორისო კომპანია. მრავლადაა დაჭაობებული ადგილი.
ბოლო წლებში, ჯაკარტის გაფართოებამ მოიცვა ტანგერანგიც და შედეგად, მისი ბევრი მცხოვრები ჯაკარტაში მუშაობს. მის გარშემო განვითარდა ბევრი საშუალო კლასის სატელიტი ქალაქი.
