ტალავერის მეჩეთი

ტალავერის მეჩეთი — არქიტექტურული ძეგლი ბოლნისის მუნიციპალიტეტის სოფელ ტალავერიში. აგებულია XIX საუკუნეში.

მეჩეთი დგას შუა სოფელში. წარმოადგენს მართკუთხა ნაგებობას მეტ-ნაკლებად ნათალი ქვით ნაგებს სწორხაზოვანი წყობით. ჩრდილოეთის კედელში ჩაშენებულია შუა საუკუნეების ქართული არქიტექტურისთვის მახასიათებელი დეტალები. შესასვლელი ჩრდილოეთის მხრიდან აქვს. ყველა კედელში ორ-ორი თაღოვანი სარკმელი ჰქონია, რომლებიც აღდგენის დროს სწორკუთხედად გადაუკეთებიათ, ზოგიერთი კი ამოუშენებიათ. სამხრეთის კედლის შუაში ნახევარწრიული თაღოვანი ნიშა — მიჰრაბი. მის თავზე ჩადგმულია არაბულწარწერიანი ქვა. ჩრდილოეთის ფასადს მთელს სიგრძეზე გასდევს ღია გალერეა. მეჩეთი აღდგენის შემდეგ თუნუქის რვაწახნაგა სახურავითაა დასრულებული.

რესურსები ინტერნეტში

•  კულტურული მემკვიდრეობის პორტალი, № 39385