ტაიფუნი (ციკლონი)
თავისუფალი ქართულენოვანი ენციკლოპედია ვიკიპედიიდან
ტაიფუნი (ჩინ. – 颱風; პინ-ინი – táifēng; ინგლ. – Typhoon) — წყნარი ოკეანის დასავლეთ ნაწილში (ა. გ. 170°-მდე) ეკვატორის ჩრდილოეთით წარმოქმნილი ტროპიკული ციკლონის ადგილობრივი სახელწოდება.
ტაიფუნი გადაადგილდება დასავლეთით და ჩრდილოეთ-დასავლეთით 10-20 კმ/სთ სიჩქარით და აღწევს ინდოჩინეთის, ჩინეთისა და კორეის ნაპირებს, შემდეგ მოძრაობს ჩრდილოეთისაკენ ან ჩრდილოეთ-აღმოსავლეთისაკენ 30-50 კმ/სთ (ზოგჯერ 100 კმ/სთ) სიჩქარით და აღწევს იაპონიას, ზოგჯერ კურილის კუნძულებს და კამჩატკასაც.
წლის განმავლობაში იცის 30-მდე ტაიფუნი, უმრავლესობა ივლისიდან ოქტომბრამდე. ტაიფუნს თან სდევს ზღვის ძლიერი ღელვა და რამდენიმე ასეული მმ ატმოსფერული ნალექი.
იაპონიისთვის განსაკუთრებულად დამანგრეველი აღმოჩნდა 1991 წლის სეზონი, სადაც ტაიფუნის წნევამ 870-878 მბარ-ს მიაღწია.
იხილეთ აგრეთვე[რედაქტირება]
რესურსები ინტერნეტში[რედაქტირება]
- Japan Meteorological Agency
- China Meteorological Agency
- National Weather Service Guam
- Hong Kong Observatory
- Korea Meteorological Administration
- Philippine Atmospheric, Geophysical and Astronomical Services Administration
- Taiwan Central Weather Bureau
ლიტერატურა[რედაქტირება]
- ქსე, ტ. 9, გვ. 643, თბ., 1985;
- Риль Г., Тропическая метеорология, пер. с англ., М., 1963;
- Мамедов Э. С., Павлов Н. И., Тайфуны, Л., 1974.