სუფეტი

სუფეტი (ლათ. su(f)fes, მრ. რ. su(f)fetes < ფინიკ. 𐤔𐤐𐤈 [šōfēṭ] — „მოსამართლე“) — უმაღლესი არჩევითი თანამდებობის პირი ფინიკიურ ქალაქებში. სუფეტის ხელისუფლება შესაძლებელი იყო თანაარსებობაში ყოფილიყო სამეფო ხელისუფლებასთან, ან ერთპიროვნულად ემართა სახელმწიფო (მაგ., ტვიროსში მონარქიის დამხობის პერიოდში ძვ.წ. 560–550-იან წლებში, კართაგენში ამავე პერიოდიდან მის დაცემამდე). კართაგენში სუფეტის ძალაუფლება ანტიკური ავტორების მიერ გათანაბრებული იყო რომაელი კონსულების ძალაუფლებასთან (სუფეტები კონსულების მსგავსად წარმოადგენდნენ ორკაციან კოლეგიას და აირჩეოდნენ ერთი წლის ვადით).