სურაია გასიმოვა

სურაია გასიმოვა (აზერ. Qasımova Sürəyya Məcid qızı; დ. 1934, თბილისი – გ. 2007) — აზერბაიჯანელი მსახიობი.

ბიოგრაფია[რედაქტირება | წყაროს რედაქტირება]

სურაია გასიმოვა დაიბადა 1934 წლის სექტემბერში ქალაქ თბილისში. მამამისი მაჯიდ გასიმ იბრაჰიმოვი ბორჩალოს რაიონის სოფელ სარვანიდან იყო. დედამისი მალიქაც წარმოშობით სარვანიდან იყო. დედის მხრიდან ბაბუამისი ფარამეზი საკმაოდ მდიდარი კაცი იყო^[1].

მიუხედავად იმისა, რომ სურაია პირველ კლასში არ წასულა, 1953 წელს შესანიშნავი შეფასებებით დაამთავრა თბილისის 49-ე რუსული საშუალო სკოლა და იმავე წელს ჩაირიცხა აზერბაიჯანის უცხო ენების ინსტიტუტის გერმანული ენის ფაკულტეტზე. სურაია, რომელიც ოთხი წლის განმავლობაში წარჩინებით სწავლობდა, ასევე ძლიერი სპორტსმენი იყო.

სწავლის პერიოდში იგი მონაწილეობდა ბაქოში გამართულ არაერთ სამეცნიერო-პრაქტიკულ კონფერენციაში, კითხულობდა მოხსენებებს უმაღლეს და საშუალო სკოლებში გერმანული და აზერბაიჯანული ლიტერატურის სწავლების შესახებ.

სურაია იყო საქართველოს სსრ ახალგაზრდული საკალათბურთო ნაკრების ყველაზე აქტიური მოთამაშე და შემდეგ კაპიტანი თითქმის 5 წლის განმავლობაში, როდესაც ჯერ კიდევ თბილისის საშუალო სკოლაში სწავლობდა. ყველა გულშემატკივარი მას „თათარ გოგონას“ ეძახდა^[2].

სურაია გასიმოვა შედიოდა რესპუბლიკის სტუდენტთა ნაკრების შემადგენლობაში და თამაშობდა ისეთ ქალაქებში, როგორიცაა მოსკოვი, სანქტ-პეტერბურგი, თბილისი, ბაქო, განჯა და ა.შ. როგორც თვითონ აღნიშნავდა, ეს მისთვის დაუვიწყარი მომენტები იყო ცხოვრებაში^[1].

სურაიას ლამაზი ხმა ჰქონდა. ძირითადად მღეროდა ხალხურ სიმღერებსა და სეიგაჰებს. სსრკ სახალხო არტისტმა ბულბულმა გასიმოვას ერთ-ერთი წარმოდგენის შესახებ 1956-1957 წლებში ბაქოში გამართულ ოლიმპიადაზე აღნიშნა, რომ სურაია „პატარა შოვქათია“. ერთი წლის შემდეგ მან წარმატებით ჩაატრა მოსკოვის სიმღერისა და ცეკვის VI მსოფლიო ოლიმპიადა. სურაია გასიმოვა მიწვეული იყო ამ ოლიმპიადაზე, როგორც სოლისტი. აზერბაიჯანული სიმღერისა და ცეკვის ანსამბლის წარმოდგენები მოსკოვში სურაიას ხელმძღვანელობით დაჯილდოვდა აზერბაიჯანის უმაღლესი საბჭოს პრეზიდიუმის საპატიო ბრძანებულებით და სპილენძის სამკერდე ნიშნით. გარდა ამ წარმატებებისა, გამოიკვეთა სურაიას, როგორც სასცენო არტისტის ნიჭიც.

ბაქოს კინოსტრუდიის რეჟისორმა ლ.ბერლამ შესთავაზა სურაიას ფილმში გადაღება, რაზეც ის დათანხმდა. სურაია ფილმის რეჟისორს, ლატიფ საფაროვს შეხვდა და გადაღებებზე ისაუბრა. ასე იწყება მისი სამსახიობო კარიერა.

1958 წელს გასიმოვამ ინსტიტუტი წარჩინებით დაამთავრა და იქვე დაიწყო მუშაობა ლაბორანტად. გარკვეული პერიოდის შემდეგ დაინიშნა იმავე კათედრაზე გერმანული ენის გრამატიკისა და ლექსიკის მასწავლებლად^[2].

სურეია გასიმოვა დაქორწინებული იყო ცნობილ ფეხბურთელ ქამილ ეინულაევზე. ქორწინებიდან მათ ერთი ვაჟი შეეძინა. გასიმოვა 2007 წელს პენსიაზე გასვლის შემდეგ გარდაიცვალა. სურაიას არავინ დარჩა. მისი ქმარი და შვილიც გარდაიცვალნენ^[3].

ფილმოგრაფია[რედაქტირება | წყაროს რედაქტირება]

ცხელი მზის ქვეშ (ფილმი, 1957)
ჩრდილები დახოხავენ (ფილმი, 1958)
ახალი წლის ღამეს (ფილმი, 1958)
აიგუნი (ფილმი, 1960)

სქოლიო[რედაქტირება | წყაროს რედაქტირება]

[:0-1] 1.0 ^1.1 Dörd sənətin yiyəsi - “Qızmar günəş altında” filminin Gülpərisi yığma komandanın kapitanıymış

[:1-2] 2.0 ^2.1 Anasından gizli filmə çəkildi, məşhur futbolçu ilə ailə qurdu, səssiz-küysüz dünyasını dəyişdi - Kinomuzun Gülpərisindən maraqlı faktlar

[3] “Qalatasaray”a üç qol vurmuş azərbaycanlının acı taleyi

[1]

[2]

[3]