სულხან ცინცაძე

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ ცინცაძე.
სულხან ცინცაძე
Tsintsad1.jpg
ბიოგრაფია
დაბ. თარიღი 23 აგვისტო, 1925
გარდ. თარიღი 15 სექტემბერი, 1991
ჟანრ(ებ)ი კლასიკური მუსიკა ფოლკლორი
საქმიანობა კომპოზიტორი
ინსტრუმენტ(ებ)ი ვიოლინო
აქტიური 1953–1991
ასოციაციები თბილისის ოპერისა და ბალეტის თეატრი, თბილისის სიმფონიური ორკესტრი

სულხან თევდორეს ძე ცინცაძე (დ. 23 აგვისტო, 1925, გორი — გ. 15 სექტემბერი, 1991, თბილისი) — ქართველი კომპოზიტორი.

ბიოგრაფია[რედაქტირება | წყაროს რედაქტირება]

მუსიკალური კარიერა 1940-იან წლებში დაიწყო ჩელოზე საქართველოს სახელმწიფო სიმებიან კვარტეტში. მის პირველ კომპოზიციაში ქართული ხალხური სიმღერა გამოიყენა და სიმებიანი კვარტეტისთვის მინიატურათა ნაკრების სახით გამოუშვა, რამაც თითქმის მყისიერი წარმატება მოუტანა. ასევე დაწერილი აქვს რამდენიმე ოპერა, ბალეტი, სიმფონია და კონცერტი, თუმცა მისი ყველაზე გამორჩეული ნაწარმოებები სიმებიანი კვარტეტისთვის დაწერილი კომპოზიციები იყო.

ქართული მუსიკის განვითარებაში შეტანილი ღვაწლისთვის მინიჭებული აქვს საქართველოს სახალხო არტისტის წოდება (1961) და სსრკ-ის სახალხო არტისტის წოდება (1987), ასევე სსრკ-ის სტალინის პრემია (1950), შოთა რუსთაველის პრემია (1981) და ზაქარია ფალიაშვილის პრემია (1977).

ცინცაძის მუსიკის მასშტაბები, თავისი ფოლკლორულობის მიუხედავად სცილდებოდა ვიწრო ეროვნულ საზღვრებს. ცინცაძის მუსიკა გამოირჩეოდა ჟანრობრივი მრავალფეროვნებით (მას დაუწერია ოპერები, საფორტეპიანო, კინომუსიკა და ა.შ.), მაგრამ მისი სტიქია მაინც სიმებიანი კვარტეტები იყო. მან 12 სიმებიანი კვარტეტი დატოვა.

ფილმოგრაფია[რედაქტირება | წყაროს რედაქტირება]

ძირითადი ნამუშევრები[რედაქტირება | წყაროს რედაქტირება]

  • 12 სიმებიანი კვარტეტი და მინიატურა კვარტეტისთვის (1947—1991).
  • ორი ოპერა („განდეგილი“, 1972)
  • ხუთი ბალეტი („დემონი“ 1961, „Rivares“ 1982).
  • ხუთი სიმფონია (1952—1985).
  • 24 პრელუდია ჩელოსა და ორკესტრისთვის (1980) და ვიოლინოსა და ორკესტრისთვის (1987).
  • 2 საფორტეპიანო კონცერტი (ორკესტრის თანხლებით).
  • 2 ჩელოსა და ორკესტრის კონცერტი.
  • 2 ვიოლინოსა და ორკესტრის კონცერტი.
  • 3 ოპერეტა („აბლაბუდა“ — 1960, „სიმღერა ტყეში“ — 1967, „შვეიხი“ — 1976).
  • მრავალი ნაწარმოები კინოფილმებისთვის.

ჯილდოები[რედაქტირება | წყაროს რედაქტირება]

დაკრძალულია მწერალთა და საზოგადო მოღვაწეთა დიდუბის პანთეონში.

ლიტერატურა[რედაქტირება | წყაროს რედაქტირება]

  • ზ. ბაბუნაშვილი, თ. ნოზაძე, „მამულიშვილთა სავანე“, თბ., 1994

რესურსები ინტერნეტში[რედაქტირება | წყაროს რედაქტირება]