სტამბოლის სამხედრო მუზეუმი

სტამბოლის სამხედრო მუზეუმი
	;
	41°02′54″ ჩ. გ. 28°59′17″ ა. გ. / 41.0484000° ჩ. გ. 28.9883000° ა. გ.
დაარსდა	1950 წელი
ქვეყანა	თურქეთი
მდებარეობა	შიშლის რაიონი

სტამბოლის სამხედრო მუზეუმი (თურქ. Askerî Müze) — მიეძღვნა თურქული სამხედრო ისტორიის ათას წელს. ის არის ერთ-ერთი წამყვანი მუზეუმი თავისი სახის მსოფლიოში. მუზეუმი საზოგადოებისთვის ღიაა ყოველდღე, გარდა ორშაბათისა.

ისტორია

მუზეუმი თავდაპირველად გაიხსნა წმინდა ირინეს ეკლესიაში. მოგვიანებით, 1950 წელს, ის გადატანილ იქნა პირველი არმიის შტაბის შენობაში ჯუმჰურიეთ ჯადესზე, ჰარბიეში, თაქსიმის მოედნიდან არც თუ ისე შორს სტამბოლში. ჰარბიეს რაიონი^[1] (ოსმალური წარმოშობის სიტყვა არაბული სიტყვიდან ჰარბ - ომისთვის) იყო ოსმალეთის იმპერიული სამხედრო აკადემიის ადგილი, იმპერიის „ვესტ პოინტი“ ან „სანდჰერსტი“ დღესაც მნიშვნელოვანი სამხედრო დანამშენია.

1957 წელს მუზეუმი რეორგანიზებულ იქნა გენერალ აჰმეთ ჰულქი სარალის მიერ. სამხედრო მუზეუმს და კულტურის ცენტრს რემონტი გაუკეთდა და ხელახლა გაიხსნა მის ამჟამინდელ შენობაში 1993 წელს ძალიან წარმატებული და თანამედროვე საგამოფენო კონცეფციით.

კოლექცია

ჩვენებულია ისტორიული იარაღის, უნიფორმებისა და არმიის სხვადასხვა პერიოდის იარაღების შესანიშნავი კოლექცია. გამორჩეული ექსპონატებია დიდებული საკამპანიო კარვები და ალმები. მუზეუმის გარეთ გამოფენილია საინტერესო ოსმალური ქვემეხები, მომეტები, სარკინიგზო იარაღიები, თვითმფრინავები და შვეულფრენები. 22 ოთახში დაახლოებით ცხრა ათასი ნივთია გამოფენილი ოსმალური ეპოქიდან პირველ მსოფლიო ომამდე, ორმოცდაათი ათასი ობიექტის საერთო კოლექციიდან. ის ინახავს თვალწარმტაც ისტორიულ საუნჯეებს, როგორიცაა ჯაჭვი, რომელიც ბიზანტიელებმა გაჭიმეს ოქროს რქის შესართავზე, რათა თავიდან აეცილებინათ მეჰმედ II ფლოტი 1453 წელს^[2] კონსტანტინოპოლის ალყის დროს. მუზეუმის აღმოსავლეთი ფრთა გამოიყენება დროებითი გამოფენებისთვის, შეხვედრებისა და მსგავსი ღონისძიებებისთვის.

პირველ სართულის, პირველ ოთახში მშვილდებისა და ისრების^[3] ჩვენებას მოსდევს განყოფილებები, რომლებიც შეიცავს კავალერიის იარაღს და სხვა რეგალიებს, მრუდ ხანჯლებსა და ლანცეტებს, რომლებსაც ფეხმოსიარი ჯარისკაცები ატარებდნენ XV საუკუნეში, XVII საუკუნის სპილენძის თავის აბჯარი ცხენებისთვის და ოსმალური ფარები, რომლებსაც იანიჩარები ატარებდნენ, და განყოფილებები, მიძღვნილია სელიმ I და მეჰმედ II, სტამბოლის დაპყრობას, იარაღს ადრეული ისლამური, ირანული, კავკასიური, ევროპული და თურქული პერიოდებიდან. ამ სართულზე ასევე განთავსებულია უნიკალური კოლექცია ჩაფხუტებისა და აბჯრის, აგრეთვე განყოფილებები, გამოყოფილი ცეცხლსასროლი იარაღისთვის და დიდი საველე კარვებისთვის, რომლებსაც სულთნები თავიანთ კამპანიებში იყენებდნენ. ზედა სართულზე არის ოთახები, სადაც გამოფენილია ობიექტები პირველი მსოფლიო ომიდან, გალიპოლის ბრძოლიდან და თურქეთის დამოუკიდებლობის ომიდან, და უნიფორმები უფრო გვიანდელი დროებიდან. არის აგრეთვე ოთახი, რომელიც მიძღვნილია ათათურქს, რომელიც სწავლობდა შენობაში, როცა ის იყო სამხედრო აკადემია 1899-1905 წლებში.

კულტურული წარმოდგენები

იანიჩართა ბენდი „მეჰთერ თაქიმი“, მსოფლიოს უძველესი სამხედრო ბენდი, ყოველ შუადღეს მართავს მარშის მუსიკის კონცერტებს ტრადიციულ უნიფორმებში. ოსმალები იყვნენ პირველები, ვინც გამოიყენეს მუსიკოსები სამხედრო კამპანიებში და ინტეგრირეს მუსიკა არმიის ცხოვრებასა და საქმიანობაში. მას შემდეგ, რაც ქალაქი დაპყრობილი იქნებოდა, მეჰთერი წინ უძღოდა დამპყრობელ ოსმალურ მეთაურს ქალაქში მსვლელობის დროს, უკრავდა ნელტემპიან მარშებს ეგზოტიკურ მინორულ ლადებში. კეთილდრუმების დუდუნი, რომელიც მეჰთერმა გამოიგონა, ასევე ობოის ტირილი და ციმბალების ხმაური (კიდევ ერთი თურქული გამოგონება) განკუთვნილი იყო დაპყრობის განდიდებისთვის და მოსახლეობაში შთაბეჭდილების დატოვებისთვის, რომ ისინი ახლა სრულიად განსხვავებული ცივილიზაციის ნაწილი იყვნენ.

გალერეა

თურქეთის შეიარაღებული ძალების ალამი კორეის ომში.
F-104 სტარფაითერი
მუზეუმის უკანა ქუჩაში ღია ცის ქვეშ გამოფენილი ქვემეხები.
სტამბოლის სამხედრო მუზეუმის უკან ღია ცის ქვეშ გამოფენილი ქვემეხები
სტამბოლის სამხედრო მუზეუმის დიორამა დაპყრობა
სტამბოლის სამხედრო მუზეუმი მრავალლულიანი იარაღი
სტამბოლის სამხედრო მუზეუმი გეტლინგის იარაღი
სტამბოლის სამხედრო მუზეუმი ოსმალური იარაღი
სტამბოლის სამხედრო მუზეუმი კაფსიული იარაღი
სტამბოლის სამხედრო მუზეუმი გადამუშავებული იარაღი
სტამბოლის სამხედრო მუზეუმი, სულთან აბდულ ჰამიდ II-ის მაგიდა
სტამბოლის სამხედრო მუზეუმი, დიდი ვეზირი მაჰმუთ შევქეთ ფაშას მანქანა
სტამბოლის სამხედრო მუზეუმი მეჰთერის წარმოდგენა
სტამბოლის სამხედრო მუზეუმი მეჰთერის წარმოდგენა
სტამბოლის სამხედრო მუზეუმი: ორნამენტი ბრინჯაოს ქვემეხის ლულაზე 1400-იანი წლებიდან
ორნამენტი ბრინჯაოს ქვემეხიდან - სტამბოლის სამხედრო მუზეუმი