სპირალურწამწამიანები
სპირალურწამწამიანები (ლათ. Spirotricha) — უმარტივესთა ქვეკლასი ინფუზორიების კლასისა. აქვთ პირისირგვლივი, მარცხნიდან მარჯვნივ დახვეული მემბრანელები (წამწამების შეზრდით წარმოქმნილი ფირფიტოვანი სტრუქტურები), რომლებიც ემსახურებიან მოძრაობას და საკვების გადაადგილებას პირის ხვრელისაკენ. ქვეკლასში 2000-მდე სახეობაა. ბინადრობენ ზღვასა და მტკნარ წყლებში. სპირალურწამწამიანების ძირითადი მასა მიკრობენთოსის შედგენილობაში შედის ან ფსკერთან წყლის ფენაში ბინადრობს. სპირალურწამწამიანებს შორის გვხვდება ენდოპარაზიტები, აგრეთვე ექტოკომენსალები.
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 9, თბ., 1985. — გვ. 520.