სპილო მის ხელებზე
| „სპილო მის ხელებზე“ | |
|---|---|
| რეჟისორი | ალ კრისტი |
| სცენარის ავტორი | უცნობი |
| როლებში |
ედი ლაიონსი ლი მორანი რამონა ლანგლი |
| სტუდია | Nestor Film Co. |
| დისტრიბუტორი | Universal Film Manufacturing Company |
| გამოსვლის თარიღი | 21 ნოემბერი, 1913 წ. |
| ხანგრძლივობა | 10 წუთი (1 ბობინა) |
| ქვეყანა | აშშ |
| ენა | მუნჯი (ინგლისური ინტერტიტრები) |
„სპილო მის ხელებზე“ — 1913 წლის, ამერიკული, მუნჯი, მოკლემეტრაჟიანი, კომედიური ფილმი. რეჟისორობდა ალ კრისტი. მთავარ როლებს თამაშობდნენ ედი ლაიონსი, ლი მორანი და ლონ ჩეინი. ჩანაწერი დაკარგულია.[1]
შინაარსი
[რედაქტირება | წყაროს რედაქტირება]რამონას მეტად უყვარს ცხოველები, მაგრამ მის მეუღლეს, ედის, ყოველი მათგანის ეშინია — თუთიყუშები კბენენ, მაიმუნები კი უღრენენ. წყვილს ედის ბიძისაგან წერილი მოსდის — ცირკის მეპატრონე ნათესავი ატყობინებს, რომ ბიზნესი ჩაუვარდა და თავის სპილოს, მისახედად, ძმისშვილთან გზავნის. ქმრის პროტესტის მიუხედავად, რამონა ედის აძალებს, სადგურში მივიდეს და სპილო წამოიყვანოს. ედის ჯერ 300-დოლარიანი ფოსტის საფასურის გადახდა უწევს, ხოლო შემდეგ იგებს, რომ მის მიერ დაქირავებულ თავლაში სპილოები არ დაიშვებიან. ახალი „შინაური ცხოველის“ უკანა ეზოში გაჩერებას მეზობლების პროტესტი და პოლიციის ორდერი მოჰყვება, რომელიც ცოლ-ქმარს აიძულებს სპილო უბანს მოაშორონ. ფილმის ბოლო სცენაში ვხედავთ ავეჯით დატვირთულ, სპილოშებმულ გადამზიდს, რომელზეც რამონა შემომჯდარა, ხოლო ედი ამ პროცესიას მიუძღვის.
როლებში
[რედაქტირება | წყაროს რედაქტირება]- ედი — ლონ ჩეინი;
- რამონა ლანგლი;
- ედი ლაიონსი;
- ლი მორანი;
გამოხმაურება
[რედაქტირება | წყაროს რედაქტირება]„Moving Picture World“-ის კომენტარის მიხედვით: „ამ კომედიაში, სავარაუდოდ, მეტად გაერთობით ცხოველების ოინბაზობით. ვხედავთ ორ სახეობას — მაიმუნსა და სპილოს. მათგან პირველის გამაოგნებელი ოინები ნებისმიერ სახლს სიცილით აავსებს.“[2]
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ Silent Era: An Elephant on His Hands. silentera. ციტირების თარიღი: June 10, 2008.
- ↑ Mirsalis, Jon C.. An Elephant On His Hands. ციტირების თარიღი: October 1, 2020.