დიმიტრი (შიოლაშვილი)

ბათუმისა და ლაზეთის მიტროპოლიტი დიმიტრი (დავით, ნოდარ შიოლაშვილი) დაობადა 1961 წლის 16 თებერვალს ქ. მცხეთაში

1979-1982 წლებში სწავლობდა მცხეთის სასულიერო სემინარიაში;

1982-1986 წლებში მოსკოვის სასულიერო აკადემიაში;

1985 წლის 28 ივლისს აკურთხეს დიაკვნად;

1986 წლის 12 იანვარს იკურთხა მღვდლად;

1987-1988 წლებში ღვთისმსახურებას ეწეოდა ალავერდის მონასტერში;

1988-1989 წლლებში - ანჩისხატის ეკლესიაში;

1989 წლის 13 მაისს მისი დეკანოზად ხელდასხმა ბათუმის ყოვლადწმიდა ღვთისმშობლის ტაძარში;

1991 წლის 14 ოქტომბერს დაინიშნა ბათუმის ანდრია პირველწოდებულის სახელობის გიმნაზიის რექტორად;

1993 წლის 14 სექტემბერს დაინიშნა წმ. იოანე ღვთისმეტყველის სახელობის ბათუმის სასულიერო სემინარიის რექტორად;

1996 წლის 25 ოქტომბერს აღიკვეცა ბერად;

1996 წლის 26 ოქტომბერს ამაღლებულ იქნა არქიმანდრიტის ხარისხში;

1996 წლის 8 ნოემბერს სრულიად საქართველოს კათოლიკოს პატრიარქმა ილია II-მ მცხეთის საკათედრო ტაძარში აკურთხა ბათუმისა და სხალთის ეპისკოპოსად;

2006 წლის დეკემბერში ბათუმ-სხალთის ეპარქია გაიყო ბათუმ-ქობულეთისა და სხალთის ეპარქიებად. ბათუმ-ქობულეთის ეპისკოპოსად იკურთხა მთავარეპისკოპოსი დიმიტრი;

2007 წლის დეკემბერში ბათუმ-ქობულეთის ეპარქია გადაკეთდა ბათუმისა და ლაზეთის ეპარქიად, რომლის ეპისკოპოსად იკურთხა მიტროპოლიტი დიმიტრი;

2003 წელს მეუფე დიმიტრის მიენიჭა მთავარეპისკოპოსის, ხოლო 2007 წელს - მიტროპოლიტის ხარისხი.

მეუფე დიმიტრი თეოლოგიის მეცნიერებათა კანდიდატია. არჩეულია საქართველოს საპატრიარქოს წმინდა სინოდის წევრად, ხელმძღვანელობს საპატრიარქოს საინფორმაციო სამსახურს, არის "წმიდა მიწის" შემსწავლელი სამეცნიერო საზოგადოების თანათავმჯდომარემ, აგრეთვე მრავალი საეკლესიო საქმის ინიციატორი და ორგანიზატორი.

განუსაზღვრელია მეუფე დიმიტრის ღვაწლი აჭარაში ქრისტიანული სარწმუნოების განმტკიცების საქმეში. მისი დაუღალავი ზრუნვის შედეგად ფართოდ გაიშალა საეკლესიო მშენებლობა, გაიხსნა სასულიერო სასწავლებლები და საბავშვო ბაღები, გამოიცემა მრავალფეროვანი საეკლესიო ლიტერატურა.

მეუფე დიმიტრი გულწრფელი სიყვარულითა და პატივისცემით სარგებლობს აჭარისა და სრულიად საქართველოს მოსახლეობაში.