წმინდა საყდარი

წმინდა საყდრის ბეჭედი

წმინდა საყდარი - რომის კათოლიკური ეკლესიის ხელისუფლება, რომელიც წარმოდგენილია ეკლესიის მეთაურის, რომის პაპის და ეკლესიის მთავარი ადმინისტრაციული ორგანოს, რომის კურიის სახით. წმინდა საყდარი განიხილება საერთაშორისო სამართლის იურიდიულ პირად. ეს ტერმინი მჭიდრო კავშირშია ტერმინთან ვატიკანი. სამართლებრივად, ვატიკანი წარმოადგენს ტერიტორიას, ქალაქ-სახელმწიფოს, სადაც ვრცელდება წმინდა საყდრის სუვერენიტეტი. წმინდა საყდარი განაგებს ქალაქ ვატიკანს, მისი სახელით იდება დიპლომატიური შეთანხმებები სხვა სუვერენულ სახელმწიფოებთან, ხდება აკრედიტაცია ელჩების და სხვა.