ტექნო

ტექნო არის ელექტრონული საცეკვაო მუსიკის ერთ-ერთი ფორმა, რომელიც წარმოიშვა 80 წლების მიწურულს ქალაქ დეტროიდში (შტატი მიჩიგანი, აშშ). ტექნო, როგორც მუსიკალური ჟანრის სახელწოდება პირველად ნახსენები იყო 1988 წელს. არსებობს ტექნოს სხვადასხვა სტილი, მაგრამ ”დეტროიდ ტექნო” მიიჩნევა ყველა სუბჟანრის საწყისად.

ტექნო წარმოიშვა ევროცენტრული სინთეზური მუსიკის შერწყმით აფრიკულ და ამერიკულ სხვადასხვა სტილებთან, როგორებიცაა ჩიკაგო ჰაუსი, ფანკი, ელექტრო და ელექტრონული ჯაზი. ამას დაემატა, ამერიკის კაპიტალისტური საზოგადოების ცხოვრებისთვის დამახასიათებელი წიგნის, ”მესამე ტალღა” (ინგ. ”The Third Wave”), მითიური და შეთხზული თემატიკის ზეგავლება. წიგნის ავტორია ელვინ ტოფლერი (ინგ. Alvin Toffler). ტექნოს, როგორც სტილის ერთ-ერთი დამფუძნებელი ხუან ატკინსი (ინგ. Juan Atkins) ამბობს, რომ ”ტექნო ეს არის მუსიკა, რომელიც ჟღერს, როგორც ტექნოლოგია”.