ტარია ჰალონენი

ტარია კაარინა ჰალონენი
ფინეთის პრეზიდენტი
ამჟამინდელი თანამდებობა
დაიკავა	1 მარტი 2000
წინამორბედი	მარტი აჰთისაარი
დაბადებული	24 დეკემბერი 1943 ჰელსინკი ფინეთი
რელიგია	პროტესტანტი

ტარია კაარინა ჰალონენი (დ. 24 დეკემბერი, 1943, ქალაქი ჰელსინკი, ფინეთი), ფინეთის პირველი პრეზიდენტი ქალი. პროფესიით ადვოკატი. მშობლიური ფინურის გარდა ფლობს შვედურ, ინგლისურ და გერმანულ ენებს.

კარიერა

• 1971 წლიდან ფინეთის სოციალ-დემოკრატიული პარტიის წევრი.
• 1974-1975 პრემიერ-მინისტრ კალევი სოისას საპარლამენტო მდივანი.
• 1977 - აირჩიეს ჰელსინკის მუნიციპალური საბჭოს წევრად.
• 1979 - აირჩიეს ფინეთის პარლამენტის, ედუსკუნტას, წევრად.
• 1984-1987 სოციალურ საკითხთა საპარლამენტო კომიტეტის თავჯდომარე.
• 1987-1990 კონსერვატორი ჰარი ჰოლკერის მთავრობის ჯანდაცვისა და სოციალურ საკითხთა მინისტრი.
• 1990-1991 კონსერვატორი ჰარი ჰოლკერის მთავრობის იუსტიციის მინისტრი.
• 1991-1995 ესკო აჰოს მთავრობის იუსტიციის მინისტრი.
• 1995-2000 სოციალ-დემოკრატი პაავო ლიპონენის მთავრობის საგარეო საქმეთა მინისტრი.

საპრეზიდენტო კარიერა

ფინეთის სოციალ-დემოკრატიულმა პარტიამ 2000 წლის 16 იანვრის საპრეზიდენტო არჩევნებზე წამოაყენა ტარია ჰალონენის კანდიდტურა. არჩევნების პირველ ტურში, რომლის 7 კანდიდატიდან 4 ქალი იყო, ტარიამ მიიღო ხმების 40 %, ხოლო მისმა უახლოესმა კონკურენტმა ყოფილმა პრემიერ-მინისტრმა ესკო აჰომ 34,4 %. 6 თებერვლის მეორე ტურში კი ქალბატონმა ტარიამ მიიღო ხმების 51,6 %. 2006 წლის საპრეზიდენტო არჩევნებში კვლავ მიიღო მონაწილეობა და კვლავ მეორე ტურის საშუალებით (ხმათა 51,6 %) დაამარცხა საულ ნიინისტო. 2005 წელს ოფიციალური ვიზიტით იმყოფებოდა საქართველოში.

ოჯახი

ქალბატონი ტარია მეორედაა გათხოვილი. მისი მეუღლეა მასზე 5 წლით უმცროსი პენტი არაიარვი. პირველი ქორწინებიდან ჰყავს ქალიშვილი - ანა, რომელიც სწავლობს საერთაშორისო პოლიტიკას კენტის უნივერსიტეტში (დიდი ბრიტანეთი) და ცხოვრობს მამამისთან.

ვიკისაწყობში არის გვერდი თემაზე:

ტარია ჰალონენი

წინამორბედი: მარტი აჰტისაარი

ფინეთის პრეზიდენტი 2000 – დღემდე

შემდეგი: