კორეა

კორეა 한국; 韓國 조선; 朝鮮
{{{link alias-s}}} მდებარეობა
დედაქალაქი		ფხენიანი (ჩრდილოეთ კორეა) სეული (სამხრეთ კორეა)
უდიდესი ქალაქი		სეული
ოფიციალური ენა		კორეული ენა

კორეა — რეგიონი აღმოსავლეთ აზიაში, მოიცავს ორ სუვერენულ სახელმწიფოს კორეის სახალხო დემოკრატიული რესპუბლიკას (ჩრდილო კორეა) და კორეის რესპუბლიკას (სამხრეთ კორეა). რეგიონი მდებარეობს კორეის ნახევარკუნძულზე, ესაზღვრება ჩრდილო-აღმოსავლეთით ჩინეთი და ჩრდილო-დასავლეთით რუსეთი, დასავლეთიდან და აღმოსავლეთიდან შემოსაზღვრულია ყვითელი და იაპონიის ზღვებით, სამხრეთით კორეის სრუტით გამოყოფილია იაპონიისგან.

ეტიმოლოგია

რეგიონის სახელი მოდის მარკო პოლოს მიერ ევროპაში შემოტანილი სიტყვისგან კაული (ჩინ.: 高麗/高丽, ფინინი Gāolí). რაც ჩინური დასახელება იყო მაშინდელი კორეული სამეფოსი, რომელსაც კორეულად გორიო ან კორიო (고려) ეწოდებოდა და 918–1392 წლებში არსებობდა, მაშინ, როდესაც მარკო პოლომ იმოგზაურა აზიაში. თანამედროვე ეპოქაში ჩრდილო კორეაში მიღებულია ქვეყნის დასახელება — ჩოსონ (კორ. 조선, 朝鮮), ხოლო სამხრეთში — ჰანგუკ (კორ. 한국, 韓國). განიხილება სახელწოდება კორიო (კორ. 고려, 高麗) მომავალი გაერთიანებული კორეისათვის.