გრამი

კალმისტრის თავსახური, რომელიც დაახლოებით 1 გრამს იწონის

გრამი (აღნიშვნა: გ, g; ფრანგ. gramme < ლათ. gramma და ბერძ. γράμμα [grámma] — „წონის მცირე საზომი“) — მასის ძირითადი ერთეული ერთეულთა CGS სისტემაში და მასის წილობითი ერთეული (0,001 კგ) ერთეულთა საერთაშორისო სისტემაში.

განისაზღვრება კილოგრამის ეტალონით (როგორც მისი მეათასედი ნაწილი). 1 გრამი უდრის 1 სმ³ ქიმიურად სუფთა გამოხდილი წყლის მასას მისი უდიდესი სიმკვრივის ტემპერატურაზე (დაახლოებით 4°C), 0,2% სიზუსტით.

გრამის მიმართება მასის სხვადასხვა ერთეულებთან ამგვარია:

• 1გ=10³ მგ;
• 1გ=10^-3 კგ;
• 1გ=10^-6 ტ.
• 1გ=10^-5 ც.ტრაწი

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 251.