ვიკიპედია:ფორუმი/რეესტრი

რეესტრი

ქართული ვიკიპედიის ფორუმის განყოფილება.

ფორუმის რეესტრი კონტროლი

ფორუმის რეესტრი არის ტექნიკური გვერდი, რომელიც განკუთვნილია ვიკიპედია:ფორუმის მიერ მიღებული გადაწყვეტილებების აღსარიცხად და შესანახად. იმ შემთხვევაში, თუ ფორუმის მიერ მიღებული გადაწყვეტილება ეხება არსებულ წესში ცვლილებას, იგი უნდა იყოს ასახული შესაბამისი წესის გვერდზეც და ფორუმის რეესტრის გვერდზეც. ქვემოთ მოცემულია ქართული ვიკიპედიის საზოგადოების მიერ მიღებული დადგენილებები, რომლებიც: მიღებულია წერილობით ფორუმზე ან ვიკიპედიის სხვა საზოგადოებრივ გვერდზე კენჭისყრით, კენჭისყრის გარეშე ან კონსენსუსით. ამ დადგენილებებს სავალდებულო ძალა აქვთ; მიღებულია სპეციალური პროცედურის დაცვით, კენჭისყრისათვის განკუთვნილ სპეციალურ გვერდზე. ამ დადგენილებებს სავალდებულო ძალა აქვთ; წარმოადგენენ ჩვეულებით ნორმებს, რომლებიც წერილობით არაა გაფორმებული, თუმცა ფაქტობრივად სრულდება. ამგვარ ნორმებს არ აქვთ სავალდებულო ძალა, თუმცა სასურველია შესრულდეს.

რეესტრის გამოყენების წესი: არ განათავსოთ რეესტრში გადაწყვეტილება, რომელზეც მსჯელობა მიმდინარეობს. დაელოდეთ კენჭსიყრის/მსჯელობის დასრულებას და მხოლოდ ამის შემდეგ გადაიტანეთ ის რეესტრში.

სავალდებულო

N	სახელწოდება	ინიციატორი	წესი	კენჭისყრის/განხილვის ბმული	განთავსების თარიღი	რეესტრის ჩანაწერის ავტორი
FR1	სტატიის სათაურში თარიღის მითითება	-	-	14 სექტემბერი 2010 — 11 ნოემბერი 2010	11 ნოემბერი 2010	-
შინაარსი		სტატიის სათაურში წლის მითითების აუცილებლობის შემთხვევაში წელი მითითებული უნდა იყოს ფრჩხილებში და სრულად. მაგალითად რუსეთ-ოსმალეთის ომი (1710-1713) (და არა (1710-13))
გამონაკლისი		სათაურებში წლებთან ფრჩხილები არ გამოიყენება სისტემატურად განმეორებადი მოვლენების შემთხვევაში, როგორებიცაა კონკურსები, ჩემპიონატები, დაჯილდოვებები... მაგალითად ევროვიზიის სიმღერის კონკურსი 2010
FR2	გადამისამართებები არასწორი სათაურებიდან	-	-	4 ოქტომბერი 2010 — 8 ოქტომბერი 2010	-	-
შინაარსი		არასწორი სათაურიდან სწორზე გადამისამართება კეთდება მაშინ, როდესაც ხალხში გავრცელებულია არასწორი ფორმაც. მაგალითად სტამბული → სტამბოლი
გამონაკლისი		-
FR3	იოტიზაცია; არქაული ასოები; დამატებითი ასოები	-	-	17 ოქტომბერი 2008 — 18 ოქტომბერი 2008=	18 ოქტომბერი 2008	-
შინაარსი		ძველი ქართული, მოძველებული ასოების (ჱ, ჲ, ჳ, ჴ, ჵ), ასევე დამატებითი ქართული ასო–ნიშნების (ჷ, ჸ, ჹ, ჺ, ჻) გამოყენება დაუშვებელია სტატიის სათაურში. ეს წესი მოქმედებს მაშინაც, როდესაც სტატია ეხება ძველ ქართულ ძეგლსა თუ მოვლენას; ამ შემთხვევაში სტატიის სათაური უნდა იყოს თანამედროვე ქართული ენით დაწერილი და არა ორიგინალში (ძველი ქართული ენა); ორიგინალური დასახელებიდან საჭიროა გადამისამართება. მაგალითად წამებაჲ წმიდისა შუშანიკისი დედოფლისაჲ → შუშანიკის წამება
გამონაკლისი		არქაული თუ დამატებითი ასოების გამოყენება მხოლოდ ტრანსკრიფციის სახით შესაძლებელია სტატიის ტექსტში, სასურველია განხილვის გვერდზე განხილვის შემდეგ. ასევე სტატიებში, რომლებიც თვითონ ამ ასოებს ეხება: ჱ, ჲ, ჳ, ჴ, ჵ... მათი გამოყენება დასაშვებია ასევე, თუ თანამედროვე ქართულ სახელთან ერთად საჭირო ხდება ძველქართული დასახელების მითითებაც (მაგალითად შუშანიკის წამება)