დუმუზი: განსხვავება გადახედვებს შორის

'''დუმუზი''' ([[შუმერული ენა|შუმ.]] — „''ძე ჭეშმარიტი''“, მოგვიანებით ცნობილი როგორც '''თამუზი''') − ძველი [[მესოპოტამია|მესოპოტამიური]] ღვთაება. ღვთაებრივი მწყემსი, ნაყოფიერების ღმერთი შუმერულ პანთეონში, [[ინანა]]ს (აქად. [[იშთარი]]) საყვარელი და ქმარი. [[გეშთინანა]]ს, მემცენარეობის ქალღმერთის ძმა. [[შუმერის მეფეთა სია]]ში დუმუზი მოხსენიებულია როგორც ქალაქ ბად-თიბირას წარღვნამდელი მეფე და ასევე, როგორც ქალაქ [[ურუკი]]ს ადრეული მეფე. პოემაში ''ინანა უპირატეობას ანიჭებს ფერმერს'' დუმუზი ფერმერ [[ენქიმდუ]]ს უპირისპირდება ქალღმერთის ცოლად მოსაყვანად. პოემაში ''ინანას ჩასვლა მიწისქვეშეთში,'' დუმუზი მწუხარებას მიეცემა ინანას დაღუპვის გამო, მაგრამ მიწისქვეშეთიდან ინანას დაბრუნების შემდეგ ქალღმერთი თავის სანაცვლოდ დემონებს დუმუზის წაყვანის ნებას რთავს. მოგვიანებით ინანა ნანობს საკუთარ გადაწყვეტილებას და ბრძანებს, რომ დუმუზი მიწისქვეშეთში ნახევარ წელს გაატარებს, ხოლო წლის მეორე ნახევარს მიწისქვეშეთში დუმუზისა დ [[გეშითინანა]] დარჩება, რაც საერთო ჯამში წელიწადის დროების წრებრუნვის განსახიერებაა. დუმუზი ბერძნული [[ადონისი (მითოლოგია)|ადონისისა]] და [[ატისი (მითოლოგია)|ატისის]] უძველესი სახეა: ღმერთი, რომელიც კვდება და აღდგება, როგორც მცენარეთა ჭკნობისა და აყვავების განსახიერება.