ეკატერინე მედიჩი

ეკატერინე მედიჩი
Catherine de Médicis
საფრანგეთის დედოფალი
მმართ. დასაწყისი:	31 მარტი 1547
მმართ. დასასრული:	10 ივლისი 1559
წინამორბედი:	ელეონორ ავსტრიელი
მემკვიდრე:	მარიამ სტიუარტი
პირადი ცხოვრება
დაბ. თარიღი:	13 აპრილი 1519
დაბ. ადგილი:	ფლორენცია, იტალია
გარდ. თარიღი:	5 იანვარი 1589 (69 წლის)
გარდ. ადგილი:	ბლუის სასახლე, საფრანგეთი
მეუღლე:	ანრი II
შვილები:	ფრანსუა II (საფრანგეთი) ელიზაბეტა ვალუა კლაუდია ვალუა ლუი შარლ IX ანრი II მარგარიტა დე ვალუა ფრანსუა დე ვალუა ჟანა ვიქტორია
სრული სახელი:	ეკატერინე მარია რომოლა დი ლორენცო დე მედიჩი
დინასტია:	მედიჩები
მამა:	ლორენცო II მედიჩი
დედა:	მადლენ დე ლა ტურდე
რელიგია:	კათოლიციზმი
ეკატერინე მედიჩი ვიკისაწყობში

ეკატერინე მედიჩი (ფრანგ. Catherine de Médicis) ანუ ეკატერინე მარია რომოლა დი ლორენცო დე მედიჩი (იტალ. Caterina Maria Romola di Lorenzo de' Medici) (13 აპრილი 1519, ფლორენცია — 5 იანვარი 1589, ბლუა) — საფრანგეთის დედოფალი და რეგენტი. საფრანგეთის მეფის ანრი II-ს მეუღლე და მეფეების ფრანსუა II-ს, შარლ IX-ს და ანრი III-ს დედა.

ბიოგრაფია

ეკატერინე მედიჩი ათვალიერებს წმ. ბართლომეოს ღამეს ფრანგი ჰუგენოტების მასობრივი ჟლეტის ადგილს

ეკატერინე მედიჩი დაიბადა დიდგვაროვანთა ოჯახში, რომელიც 1434-დან 1737 წლამდე თითქმის უწყვეტად და დესპოტურად მართავდა ფლორენციას. 1533 წელს ცოლად გაჰყვა საფრანგეთის სამეფო ტახტის მემკვიდრეს, რომელიც 1547 წელს ანრი VII გახდა. მართალია მას საყვარლად საყოველთაოდ ცნობილი ქალი — დიანა პუატიე ჰყავდა, ეკატერინემ ათწლიან ქორწინებაში 10 შვილი გაუჩინა.

1558 წელს ანრი დაიღუპა — მას შემთხვევით, მისმა ერთ-ერთმა შოტლანდიელმა გვარდიელმა თავში შუბი მოარტყა. 1560 წელს გარდაიცვალა ეკატერინეს უფროსი ვაჟი ფრანსუა II, რომელსაც შოტლანდიელთა დედოფალი მერი ჰყავდა ცოლად. სამეფო გვირგვინი ეკატერინეს 10 წლის ვაჟს, შარლს დაადგეს, ხოლო დედამისი რეგენტი გახდა.

ამ დროს საფრანგეთი დაყოფილი იყო კათოლიკეებად, რომლებსაც ესპანეთი ეხმარებოდა, და პროტესტანტებად, რომლებსაც ჰუგენოტების სახელით ცნობილი ჯგუფი ედგა სათავეში. 1572 წელს ეკატერინემ ამ ურთიერთდაპირისპირების აღმოფხვრა სცადა და ამ მიზნით, 4000 ჰუგენოტის მოკვლა ბრძანა, რაც „ბართოლომეს ღამის“ სახელით შევიდა ისტორიაში. პაპმა გრიგოლ XIII-ემ ამ მოვლენის აღსანიშნავად, მედალი მოაჭრევინა. მაგრამ კონფლიქტის დასრულების ნაცვლად, მასობრივ ჟლეტას მტრობის ახალ-ახალი ტალღები მოჰყვა.

1574 წელს შარლ IX გარდაიცვალა და ტახტზე ანრი III ავიდა. ეკატერინე კვლავ რეგენტი გახდა და პოლიტიკაში ჩარევასა და რელიგიური კონფლიქტების გაღვივებას განაგრძობდა.

შვილები

პორტრეტი	სახელი	დაბ. თარიღი	გარდ. თარიღი	თანამდებობა	მეუღლე
	ფრანსუა II	19 იანვარი 1544	5 დეკემბერი 1560	საფრანგეთის მეფე შოტლანდიის თანამეფე	მარიამ სტიუარტი
	ელიზაბეტა ვალუა	2 აპრილი 1545	3 ოქტომბერი 1568	ესპანეთის კოლონიური იმპერიის დედოფალი	ფილიპე II ჰაბსბურგი
	კლაუდია ვალუა	12 ნოემბერი 1547	21 თებერვალი 1575	ლოთარინგიის ჰერცოგინია	შარლ III ლორენი
	ლუი I	3 თებერვალი 1549	24 ოქტომბერი 1550	ორლეანის ჰერცოგი	მეუღლე არ ჰეყოლია
	შარლ IX	27 ივნისი 1550	30 მაისი 1574	საფრანგეთის მეფე	ელისაბედ ავსტრიელი
	ანრი III	19 სექტემბერი 1551	2 აგვისტო 1589	საფრანგეთის მეფე პოლონეთის მეფე ლიტვის დიდი მთავარი პროვანსის გრაფი ანჟუს და ორლეანის ჰერცოგი	ლუიზა დე ლორენ-ვემონტი
	მარგარიტა ვალუა	14 მაისი 1553	27 მარტი 1615	საფრანგეთის დედოფალი ნავარის დედოფალი	ანრი IV ბურბონი
	ფრანსუა ვალუა	18 მარტი 1555	10 ივნისი 1584	ანჟუსა და ალანსონის ჰერცოგი	მეუღლე არ ჰყოლია

ლიტერატურა

• ნ. ქოთორნი. ტირანები, გვ. 68 — თბილისი, „კლიო“, 2011.