ფუნაფუტი

დედაქალაქი
ფუნაფუტი ინგლ. Funafuti
ატოლის ლაგუნას სანაპირო ზოლი
ქვეყანა	ტუვალუ
კოორდინატები	8°31′00″ ს. გ. 179°13′00″ დ. გ.
ფართობი	2,79 კმ²
მოსახლეობა	4492 კაცი (2002)
სიმჭიდროვე	1,61 კაცი/კმ²
სასაათო სარტყელი	UTC+12
ფუნაფუტი ვიკისაწყობში

ფუნაფუტი (ინგლ. Funafuti) — პატარა კუნძულოვანი სახელმწიფო ტუვალუს ატოლი-დედაქალაქი წყნარ ოკეანეში.

გეოგრაფია

ფუნაფუტი, წითელ ჩარჩოში ნაჩვენებია კუნძული ფონგაფალე

ფართობი — 2,79 კმ². ატოლი მოიცავს 30 მომცრო კუნძულს. მათ შორის ყველაზე დიდია — ფონგაფალე (ინგლ. Fongafale), მას შემდეგ სიდიდით ყველაზე დიდია ფუნაფალა.

ამატუკუ Avalau Falaoigo Falefatu Fatato ფონგაფალე Fuafatu Fuagea Fualefeke Fualopa

ფუნაფალა Funagogo Funamanu Luamotu Mateiko Motugie Motuloa Mulitefala Paava Teafuafou

Teafualiku Tefala Tefota Telele Tegako Tegasu Tepuka Tepuka Savilivili Tutaga Vasafua

ატოლის შიდა ლაგუნას ქვია ტე-ნამო, მისი სიგრძეა დაახლოებით 20 კმ. წარმოადგენს მიწის ვიწრო ზოლს დიდი ლაგუნა ტე-ნამოს გარშემო სიგანით 20-დან 400 მეტრამდე.

მოსახლეობა

2002 წელს ატოლის მოსახლეობა შეადგენდა 4492 ადამიანს, ეს ყველაზე მრავალრიცხოვანი ატოლია ქვეყანაში. ატოლის ერთ-ერთ სოფელში (ვაიაკუში) მდებარეობს მთავრობა. ზოგჯერ ამბობენ, რომ ტუვალუს დედაქალაქია — ფონგაფალე ან ვაიაკუ, მაგრამ ოფიციალურად ქვეყნის დედაქალაქია მთელი ატოლი ფუნაფუტი. ფონგაფალეს, ფუნაფალას და ამატუკუს კუნძულებს ჰყავთ მუდმივი მოსახლეობა. სულ ატოლზე 9 დასახლებული პუნქტია:

ფონგაფალე

ფონგაფალეს ძირითადი კუნძული

• ფაკაიფუ 1007 ად.
• სენალა 589 ად.
• ალაპი 1024 ად.
• ვაიაკუ 516 ად.

ფონგაფალეს დანარჩენი კუნძულები

• ლოფეაგაი 399 ად.
• ტეონე 540 ად.
• ტეკავატოეტოე 343 ად.

ფუნაფალა

• ფუნაფალა 22 ად.

ამატუკუ

• ამატუკუ 52 ად.

სულ 2002 წლის აღწერით ამ 9 დასახლებულ პუნქტში მოსახლეობის რაოდენობა შეადგენს 4492 ადამიანს.

ეკონომიკა

არსებობს აეროპორტი ასაფრენ-დასაჯდომი ზოლით, სასტუმრო (Vaiaku Langi Hotel), ადმინისტრაციული შენობები, ტრადიციული სტილით — პალმის ფოთლებით და თანამედროვე — ცემენტით აშენებული საცხოვრებელი სახლები.

ღირსშესანიშნაობები

ატოლ ფუნაფუტიზე ყველაზე მნიშვნელოვანი ღირსშესანიშნაობაა — ტუვალუს ეკლესია. მეორე ღირსშესანიშნაობაა — ამერიკული თვითმფრინავის ნარჩენები, რომელიც ჩამოვარდა ფუნაფუტიზე მეორე მსოფლიო ომის დროს, როდესაც ასაფრენ-დასაჯდომი ზოლი გამოიყენებოდა აშშ-ის სამხედრო-საჰაერო ძალების მიერ გილბერტის კუნძულების დასაცავად (დღეისათვის კირიბატის შემადგენელი ნაწილი). აშშ პრეტენზიას აცხადებდა ფუნაფუტიზე 1970-იანი წლების ბოლოს მეგობრობის ხელშეკრულების ხელმოწერამდე.