ჰოგვორტსის მაგიისა და ჯადოქრობის სკოლა

გადასაღები მოედანი

ჰოგვორტსის მაგიისა და ჯადოქრობის სკოლა — ჯადოქრების სკოლა ჯოან როულინგის რომანების სერიიდან „ჰარი პოტერი“. აქ მომავალი ჯადოქრები სწავლობენ მაგიას. მათი სკოლაში შემდეგ ჰოგვორტსი 7 წლით მათი სახლი ხდება. ჰოგვორტსი დაცული ადგილია თუ მას მაგლი (არაჯადოქარი) შეხედავს, დაინახავს ნახევრად დანგრეულ სახლს. სკოლა აგრეთვე დაცულია უცხო ჯადოქრებისგანაც. ჰოგვორტსში არის 4 ფაკულტეტი: გრიფინდორი, ჰაფლფაპი, რეივენქლო და სლიზერინი.

წიგნში აღწერილი მოვლენების თანახმად, ჰოგვორტსის სკოლა 1000 წლის წინ ოთხმა ჯადოქარმა დააარსა. ამ სკოლაში ხვდებიან როგორც სუფთა სისხლის ჯადოქრები, ასევე მაგლური წარმოშობის ჯადოქრები. წიგნში აღწერილი მოვლენების შემდეგ ჰოგვორტსის დირექტორი არის პროფესორი მინერვა მაკგონაგელი. ამ პოსტს იკავებდნენ უდიდესი ჯადოქრები ალბუს დამბლდორი, სევერუს სნეიპი, არმანდო დიპეტი და სხვა.

დამაარსებლები

როვენა რეივენქლო

როვენა რეივენქლო — ცნობილი ჯადოქარი, ჰოგვორტსის ერთ-ერთი დამაარსებელი. მისი სახელის საპატივსაცემულოდ, ჰოგვორტსის ერთ-ერთ კლუბს “რეივენქლო” ეწოდა. კლუბის სიმბოლოა არწივი ლურჯ და ბრინჯაოსფერ ფონზე. რეივენქლო ადამიანებში აფასებდა სიბრძნეს, აზროვნებას და იუმორის გრძნობას. ამ კრიტერიუმებით არჩევდა ის თავის მოსწავლეებს. ლეგენდის თანახმად, როვენას ჰქონდა დიადემა, რომელიც მას სიბრძნეს მატებდა.

როვენა რეივენქლოს ჰყავდა ქალიშვილი ელენა, რომელმაც დედას დიადემა მოჰპარა, რადგან სურდა მასზე ბრძენი გამხდარიყო. როვენა ამ ამბავს გულდასმით მალავდა, მაგრამ სიკვდილის წინ თავის ქალიშვილს სთხოვა მისულიყო მასთან და ამით ყველაფერს აპატიებდა, თუმცა როვენა მალე გარდაიცვალა და სიკვდილის წინ შვილის ნახვას ვერ მოესწრო, დიადემა კი დაიკარგა.

ჰელგა ჰაფლეპაფი

ჰელგა ჰაფლეპაფი — ცნობილი ჯადოქარი, ჰოგვორტსის ერთ-ერთი დამაარსებელი. მის საპატივსაცემულოდ ჰოგვორტსის ერთ-ერთ კლუბს ეწოდა “ჰაფლეპაფი”. ამ ფაკულტეტის სიმბოლოა მაჩვი შავ და ყვითელ ფონზე. ჰელგა ჰაფლეპაფი ხალხში აფასებდა ლოიალურობას, პატიოსნებასა და შეუპოვრობას. სწორედ ამ კრიტერიუმებით არჩევდა ის მოსწავლეებს. ჰელგა ჰაფლეპაფი შესანიშნავად ფლობდა კულინარიას. მრავალი კერძი, რომელიც ჰოგვორტსში დღესასწაულებსა და ნადიმებზე მზადდება, სწორედ ჰელგა ჰაფლეპაფის რეცეპტებითაა მომზადებული.

სალაზარ სლიზერინი

სალაზარ სლიზერინი — ცნობილი ჯადოქარი, ჰოგვორტსის ერთ-ერთი დამაარსებელი. მის საპატივსაცემულოდ "სლიზერინი" ეწოდა ჰოგვორტსის ერთ-ერთ კლუბს. სალაზარ სლიზერინის სიმბოლო გველი იყო, რადგან ეს სალაზარი პარსელი იყო, შეეძლო გველების ენაზე საუბარი. სალაზარ სლიზერინი ცნობილი იყო ლეგილემენციის ბრწყინვალე ცოდნით. ხალხში აფასებდა ცბიერებას და ძალაუფლებისადმი სიყვარულს. სწორედ ამ კრიტერიუმებით არჩევდა ის მოსწავლეებს. სალაზარ სლიზერინი ფიქრობდა, რომ ჰოგვორტსში მხოლოდ წმინდასისხლიანებს უნდა ესწავლათ, რის გამოც უთანხმოება მოუვიდა გოდრიკ გრიფინდორთან, როვენა რეივენქლოსთან და ჰელგა ჰაფლეპაფთან. განრისხებულმა და გულდაწყვეტილმა სლიზერინმა სკოლა დატოვა, თუმცა წასვლამდე ჰოგვორტში საიდუმლო ოთახი შექმნა, სადაც საზარელი მონსტრი, ბასილისკო დამალა. ბასილისკოს მოვალეობა მუქსისხლიანი (მაგლური წარმოშობის ჯადოქრების) ჯადოქრების დახოცვა იყო. ოთახის პოვნა ბევრმა ჯადოქარმა სცადა, მაგრამ ეს მხოლოდ სლიზერინის მემკვიდრეს, გველის ენის მცოდნეს შეეძლო. საბოლოოდ ოთახი ჰარი პოტერმა იპოვა და ბასილისკო მოკლა.

გოდრიკ გრიფინდორი

გოდრიკ გრიფინდორი — ცნობილი ჯადოქარი, ჰოგვორტსის ერთ-ერთი დამაარსებელი. ცხოვრობდა დაახლ. 1000 წლის წინათ. მის საპატივსაცემულოდ ჰოგვორტსის ერთ-ერთ კლუბს “გრიფინდორი” ეწოდა. მის სახელს ატარებს ასევე სოფელი "გოდრიკ ჰოლოუ", სადაც ის დაიბადა. გრიფინდორის სიმბოლო იყო ოქროსფერი ლომი წითელ ფონზე. გოდრიკ გრიფინდორი ხალხში ყველაზე მეტად აფასებდა სიმამაცესა და თავდადებას; სწორედ ამ კრიტერიუმებით არჩევდა ის თავის მოსწავლეებს. ჰოგვორტსის სხვა დამაარსებლებსაც თავისი ხედვა ჰქონდათ და სტუდენტებს თავისი გემოვნების მიხედვით ირჩევდნენ. დაისვა კითხვა, თუ ვინ გაანაწილებდა სტუდენტებს გოდრიკ გრიფინდორის, სალაზარ სლიზერინის, როვენა რეივენქლოს და ჰელგა ჰაფლეპაფის სიკვდილის შემდეგ. ეს პრობლემა გრიფინდორმა გადაწყვიტა. მან მოაჯადოვა თავისი ძველი ქუდი ისე, რომ ის ჰოგვორტსის დამაარსებლებივით საზღვრავდა თუ რომელ კლუბში უნდა გაემწესებინა მოსწავლე. ჰარი პოტერის მეორე წიგნში ბასილისკოსთან ბრძოლაში ჰარის სწორედ გრიფინდორის ხმალი და ძველი ქუდი გამოადგება. ის ხმალს ქუდიდან ამოიღებს, რაც დამბლდორის სიტყვით იმას ნიშნავდა, რომ ჰარი ნამდვილი გრიფინდორელი იყო.

ფაკულტეტები

გრიფინდორი

გრიფინდორის გერბი

გრიფინდორი — ოთხ კლუბთაგან ერთ-ერთი.

ჰოგვორტსის დამაარსებლებმა - გოდრიკ გრიფინდორმა, როვენა რეივენქლომ, ჰელგა ჰაფლეპაფმა და სალაზარ სლიზერინმა შექმნეს კლუბები, რომლებშიც ანაწილებდნენ მოსწავლეებს მათი უნარების მიხედვით. თითოეულ კლუბს სათავეში ერთ-ერთი დამაარსებელი ედგა. გრიფინდორი გოდრიკ გრიფინდორმა დააარსა. იგი ირჩევდა მამაც და კეთილშობილ მოსწავლეებს, ამიტომაც ეს კლუბი სიმამაცესთან და გამბედაობასთან ასოცირდება. კლუბის სიმბოლოა ლომი, ფერები-წითელი და ოქროსფერი. გრიფინდორის მოჩვენებაა სერ ნიკოლას დე მიმსი-პორპინგტონი.

სლიზერინი

სლიზერინი არის ჰოგსვორტის მაგიის სკოლის ერთ-ერთი კლუბი. კლუბში ხვდებიან ცბიერები, წმინდასისხლიანები და ის ვინც ერთგული იქნება მეგობრებთან. სლიზერინელები იყვნენ ჰარი პოტერის ნათესავები. თვითონაც სლიზერინელი უნდა ყოფილიყო, მაგრამ ცრუ ამბებით ეგონა, რომ მანდ ხვდებოდნენ მხოლოდ ბოროტი ჯადოქრები, რის გამოც გამანაწილებელ ქუდს თხოვა, რომ წასულიყო ყველგან სლიზერინის გარდა, რის შემდეგაც მოხვდა გრიფინდორში. გამანაწილებელი ქუდი ნანობს, რომ გაუშვა ჰარი გრიფინდორში, რადგან ის ნამდვილად უნდა ყოფილიყო სლიზერინში, რასაც ერთ-ერთი სკოლის წინა დირექტორი ამბობდა, რომელიც თვითონ იყო სლიზერინელი.სლიზერინელები გამოირჩევიან ძალით და მოწინააღმდეგების, დაშინებითა და დამარცხებით. ბოლო ნაწილში, რომდესაც ჰარის შვილი ალბუს-სევერუსი მიდიოდეს იქნება ჰოგსვორტში, მას შეეშინდება, რომ მოხვდეს სლიზერინში, თუმცა ჰარი თავის შვილს ეუბნება, რომ სლიზერინში ცუდებიც ხვდებიან და კარგებიც და არ შეეშინდეს მანდ შესვლი, მაგრამ თუ ასე სურს ეთხოვა გამანაწილებელი ქუდისთვის, რომ სლიზერინში არ მოხვედროდა და არც მოხვდებოდა.

რესურსები ინტერნეტში

ვიკისაწყობში არის გვერდი თემაზე:

ჰოგვორტსის მაგიისა და ჯადოქრობის სკოლა

• Hogwarts School of Witchcraft and Wizardry საიტზე „ჰარი პოტერის ვიკი“, გარე ვიკი