მერცხალი ოზურგეთი (საფეხბურთო კლუბი): განსხვავება გადახედვებს შორის

საფეხბურთო კლუბი მერცხალი ოზურგეთი
სრული სახელი	ოზურგეთის საფეხბურთო კლუბი მერცხალი
მეტსახელი	მერცხალი
დაარსდა	1936
სტადიონი	მეგობრობა; (ტევადობა: 3 500)
მწვრთნელი	ხარიტონ ჩხატარაშვილი
კაპიტანი	მიხეილ ქობულაძე
ლიგა	პირველი ლიგა
2011-12	მე-2

ისტორიის ინტერაქციულად გადახედვა

[შემოწმებული ვერსია]

← წინა ცვლილება შემდეგი ცვლილება →

შიგთავსი ამოიშალა შიგთავსი დაემატა

ვიზუალურივიკიტექსტი

შიდახაზური

23:27, 19 სექტემბერი 2013-ის ვერსია

სხვა მნიშვნელობებისთვის იხილეთ მერცხალი (მრავალმნიშვნელოვანი).

„მერცხალი“ — საქართველოს საფეხბურთო კლუბი ქალაქ ოზურგეთიდან. გამოდის პირველ ლიგაში. საშინაო არენაა სტადიონი „მეგობრობა“.

ისტორია

„მერცხალი“ დაარსდა 1936 წელს. გუნდი საბჭოთა კავშირის მეორე ლიგაში გადიოდა და სტაბილურადაც თამაშობდა კიდევ თორმეტ ქართულ კლუბთან ერთად. ამ პერიოდს დიდი მერცხალის ხანასაც უწოდებენ. 50-იან წლებში კლუბს „კოლმეურნე“ ეწოდებოდა. 1990-1991 წლებში მერცხალის შემადგენლობაში თამაშობდა შემდგომში საქართველოს ეროვნული საფეხბურთო ნაკრების მეკარე - ირაკლი ზოიძე. 1993-1995 წლებში გუნდს სახელი შეეცვალა და „ანაკო“ ეწოდა. 1995 წლიდან მას ძველი სახელწოდება დაუბრუნდა.

უახლესი ისტორია

კლუბი წლების განმავლობაში ასპარეზობდა მეორე ლიგის დასავლეთ დივიზიონში. გამოცოცხლება XXI საუკუნის დასაწყისში დაიწყო. 2001-2002 წლების საფეხბურთო სეზონში „მერცხალმა“ მეორე ლიგის დასავლეთი დივიზიონის პირველი ადგილი გაიყო ვანის „სულორთან“ ერთად. გადამწყვეტი მატჩი ქალაქ ფოთში, ნეიტრალურ სტადიონზე გაიმართა და „მერცხალმა“ გამარჯვებასთან ერთად მომავალ სეზონში პირველ ლიგაში ასპარეზობის უფლება მოიპოვა. პირველ ლიგაში დებიუტანტმა „მერცხალმა“ 2002-03 წლების სეზონში მეორე ადგილი დაიკავა და უმაღლეს ლიგაში გადავიდა. ამ წლებში კლუბის სპონსორი იყო ქართველი ბიზნესმენი და პოლიტიკოსი ივანე ჩხარტიშვილი, რომელიც 2003 წლის საპარლამენტო არჩევნებში კენჭს იყრიდა ოზურგეთის მუნიციპალიტეტის მაჟორიტარ დეპუტატად.

უმაღლეს ლიგის 2003-04 წლების სეზონს კლუბი მომზადებული შეხვდა. გარემონტდა სტადიონი, სადაც ხის გრძელი სკამები დამონტაჟდა. პირველი მატჩი გუნდმა თბილისის „თბილისს“ საკუთარ მოედანზე 2-1 მოუგო, თუმცა ამის შემდეგ ვერცერთი მატჩის მოგება ვერ მოახერხა და ბოლო ადგილი დაიკავა.

ამის შემდეგ გუნდმა ადგილი ვერც პირველ ლიგაში შეინარჩუნა და კვლავ მეორე ლიგაში დაქვეითდა. 2009 წელს კლუბი კვლავ დაბრუნდა პირველ ლიგაში. 2009-10 წლების სეზონში მან მე-10 ადგილი დაიკავა და ლიგაში ადგილი შეინარჩუნა.2010-11 წლების სეზონი კი 17 გუნდში მეცამეტე ადგილზე დაასრულა და კვლავ შეინარჩუნა.^[1]

სტადიონი

მთავარი სტატია: მეგობრობა (სტადიონი).

სტადიონი „მეგობრობა“ 1967 წელს აშენდა.^[1] XX საუკუნის 80-იან წლებში „მერცხალი“ ერთ-ერთი იშვიათი კლუბი იყო, რომლის სტადიონი ინდივიდუალური სკამებით იყო აღჭურვილი. მცირე რემონტი სტადიონს 2003 წლის ზაფხულში ჩაუტარდა და დასავლეთ ტრიბუნაზე ხის საერთო სკამები დამონტაჟდა.

შტაბი და მმართველობა

საფეხბურთო კლუბი „მერცხალი“ ოზურგეთის მუნიციპალიტეტის საკუთრებაა და ის არაკომერციული იურიდიული პირის სამართლებრივი ფორმით არსებობს. კლუბი მუნიციპალური ბიუჯეტიდან წლიურად 150 ათასი ლარით ფინანსდება, ხოლო მოედნის შენახვას დამატებით 50 ათასი სჭირდება.^[1]

გუნდის დირექტორი და მთავარი მწვრთნელი - ხარიტონ ჩხატარაშვილი. მწვრთნელები: გია გოგუა, აკაკი ათუაშვილი, მერაბ ვანიძე

კლუბს საკუთარი სარეზერვო გუნდი გააჩნია, რომელიც მეორე ლიგაში ასპარეზობს.