შპიონაჟი

შპიონაჟი, ანუ საიდუმლო დაზვერვა — ორგანიზაციის ან საზოგადოების შესახებ გასაიდუმლოებული ინფორმაციის მოპოვების პრაქტიკა, ამ ინფორმაციის მფლობელის ნებართვის გარეშე. შპიონაჟი დაზვერვის სხვა სახეებისგან იმით განსხვავდება, რომ იგი მოიცავს იმ ადგილზე შეღწევას, სადაც ინფორმაცია ინახება ან იმ ხალხზე გასვლას, რომლებიც ამ ინფორმაციას ფლობენ, როგორც წესი არაპირდაპირი გზით, ან ხერხებით.

ტერმინს შპიონაჟი ზოგადად უკავშირებენ სახელმწიფოს მიერ პოტენციურ ან აქტიურ მტერზე ჯაშუშობას, პირველ რიგში სამხედრო დანიშნულებისთვის, თუმცა ბოლო დროს ის ასევე მოიცავს ინფორმაციის მოპოვებას კორპორაციებისთვის, რასაც უფრო კონკრეტულად ინდუსტრიულ შპიონაჟს უწოდებენ. მრავალი სახელმწიფო შპიონაჟს ახორციელებს როგორც მტრებზე ისე საკუთარ მოკავშირეებზეც, თუმცა ამაზე კომენტარის არ გაკეთების პოლიტიკას ატარებს.