სუკრეს შტატი

სუკრე (ესპ. Estado Sucre) — შტატი ვენესუელაში. მდებარეობს ქვეყნის ჩრდილო-აღმოსავლეთ რეგიონში. ჩრდილოეთით ესაზღვრება კარიბის ზღვა, სამხრეთით — ანსოატეგისა და მონაგასის შტატები, აღმოსავლეთით — პარიის ყურე, დასავლეთით კი კარიაკოს ყურე. დედაქალაქია კუმანა. სახელი ეწოდა სამხრეთ ამერიკის დამოუკიდებლობისათვის ომის გმირის — ანტონიო ხოსე დე სუკრეს პატივსაცემად.

შტატის ფართობი 11 800 კმ²-ია, მოსახლეობა კი 2007 წლის მონაცემებით 916 მ600 ადამიანს შეადგენს.

ისტორია

ქრისტეფორე კოლუმბმა კონტინენტურ ამერიკაში ფეხი პირველად პარიას რეგიონში, შტატის ამჟამინდელ ტერიტორიაზე დადგა. ის აქ 1498 წლის 4—12 აგვისტოს იმყოფებოდა.

1799-1800 წლებში რეგიონი მოინახულა და აღწერა ალექსანდერ ჰუმბოლდტმა.

ეკონომიკა

რეგიონის ინდუსტრიის მთავარი დარგებია მიწათმოქმედება, მეთევზეობა და ტურიზმი. ერთ-ერთი უმთავრესი ტურისტული დესტინაციაა სუკრესა და ანსოატეგის შორის მდებარე მოჩიმის ეროვნული პარკი.

მიუნიციპალიტეტები და მუნიციპალური ცენტრები

სუკრეს შტატი ადმინისტრაციულად 15 მუნიციპალიტეტად იყოფა:

• ანდრეს-ელოი-ბლანკო (კასანაი)
• ანდრეს-მატა (სან-ხოსე-დე-აეროკუარი)
• არისმენიდი (რიო-კარიბე)
• ბენიტესი (ელ-პილარი)
• ბერმუდესი (კარუპანო)
• ბოლივარი (მარიგუიტარი)
• კახიგალკი (იაგუარაპარო)
• კრუს-სალმერონ-აკოსტა (არაია)
• ლიბერტადორი (ტუნაპუი)
• მარინიო (ირაპა)
• მეხია (სან-ანტონიო-დელ-გოლფო)
• მონტესი (კუმანაკოა)
• რიბერო (კარიაკო)
• სუკრე (კუმანა)
• ვალდესი (გუირია)