ფარავანი

ფარავნის ტბა
კოორდინატები: 41°27′ ჩ. გ. 43°48′ ა. გ.
მდებარეობა	ნინოწმინდის მუნიციპალიტეტი
სიმაღლე ზღვის დონიდან	2073 მ
ფართობი	37,5 კმ²
მოცულობა	91 კმ³
საშუალო სიღრმე	2,2 მ
მაქსიმალური სიღრმე	3,3 მ
აუზის ფართობი	234 კმ²
გამომდინარე მდინარე	ფარავანი

ფარავანი — ვულკანურ-ტექტონიკური ტიპის ტბა სამხრეთ საქართველოში (ნინოწმინდის მუნიციპალიტეტი). გაწოლილია აბულ-სამსარისა და ჯავახეთის ქედებს შორის მდებარე ქვაბულში, ზ. დ. 2073 მ სიმაღლეზე.

ფარავნის ტბის სარკის ფართობია 37,5 კმ², ჩამდინარე წყლების არეთი 234 კმ². ტბის მაქსიმალური სიღრმეა 3,3 მ, საშუალო 2,2, მ. წყლის მოცულობა 91 მილიონი კუბური მეტრი. წყლის დონე ყველაზე დაბალია ოქტომბერ-ნოემბერში, ყველაზე მაღალი მაის-ივნისში. ტბა გაყინულია ზამთარში, ყინულის სისქე ირყევა 47-73 სმ შორის. საზრდოობს მიწისქვეშა, თოვლისა და წვიმის წყლით.

ერთვის მცირე მდინარეები : შაორი, საბადოსწყალი, როდიონოვსკისწყალი და რამდენიმე პერიოდული ნაკადი. ტბის სამხრეთ ნაწილიდან სათავეს იღებს მდინარე ფარავანი, რომელიც მტკვარს უერთდება მარჯვენა მხრიდან. ტბა პოპულარულია მეთევზეთათვის.

წყალი მტკნარია (80 მგ/ლ). მდიდარია თევზით (ხრამული, კალმახი, ნაფოტა, კობრი, ჭაფალა და სხვ.).

ფარავნის ტბის ირგვლივ გაშენებულია სოფლები: ფოკა, ვლადიმიროვკა, ტამბოვკა, როდიონოვკა (ფარავანი) და ასფარა.

• 
  ფარავნის ტბის აღმოსავლეთ სანაპირო
• 
  ფარავნის ტბა. ხედი შაორის მთიდან
• 
  ფარავნის ტბა. ხედი შაორის მთიდან

რესურსები ინტერნეტში

• ტბის მდებარეობა გუგლის რუკაზე.

ლიტერატურა

• აფხაზავა ი., ქსე, ტ. 10, გვ. 221, თბ., 1986.