რავენა

პიაცა დელ პოპოლო რავენაში

რავენა (იტ: Ravenna) — ქალაქი და კომუნა იტალიის ემილია-რომანიას რეგიონში. მდებარეობს ადრიატიკის ზღვის მახლობლად, თუმცა არა მის სანაპიროზე, ზღვასთან დაკავშირებულია არხით. 2009 წლის მონაცემებით მოსახლეობა შეადგენს დაახლოებით 157000 კაცს.

ისტორია

რავენა ისტორიულ ანალებში ჩანს ძვ. წ. 89 წლიდან. ის თავის დროზე წარმოადგენდა რომაული საზღვაო ფლოტის უმნიშვნელოვნეს ბაზას. 402 წელს დასავლეთ რომის იმპერატორმა ჰონორიუსმა იმპერიის დედაქალაქი მილანიდან რავენაში გადაიტანა.
493 წელს რავენას იღებს ოსტგუთების ბელადი თეოდორიხ დიდი და აქცევს მისი სამეფოს დედაქალაქად. იტალიაში ოსტგუთების ბატონობას ბოლო მოუღო ბიზანტიის იმპერატორმა იუსტინიანე I-მა და მთელი იტალია ბიზანტიას დაუმორჩილა. შემდგომში იმპერატორ მავრიკიოსის მმართველობისას ბიზანტიის იმპერიის შემადგენლობში ჩამოყალიბდა ნახევრადდამოუკიდებელი რავენის საეგზარქოსო. ამ სტასუსით მან იარსება 751 წლამდე. როდესაც ბიზანტიის სამფლობელოებს იტალიაში დაეპატრონნენ ლანგობარდები.

ღირსშესანიშნაობანი

რავენაში არის ადრექრისტიანული ხანის რვა არქიტექტურული ძეგლი, რომელიც იუნესკოს მიერ შეტანილია მსოფლიო კულტურული მემკვიდრეობის ნუსხაში, ესენია:
გალა პლაციდიას მავზოლეუმი
მართლმადიდებლური სანათლავი
არიანული სანათლავი
სანტ-აპოლინარე-ნუოვოს ეკლესია
სანტ-აპოლინარე-ინ-კლასეს ეკლესია
სან-ვიტალეს ეკლესია
თეოდორიხის მავზოლეუმი
საარქიეპისკოპოსო კაპელა

რესურსები ინტერნეტში

• რავენას ოფიციალური ვებსაიტი
• ტურიზმო რავენა
• ტურისტის მეგზური