სლავია პრაღა (საფეხბურთო კლუბი)
 | |
| სრული სახელი | Sportovní klub Slavia Praha – fotbal a.s. |
|---|---|
| მეტსახელი |
Červenobílí (წითლები და თეთრები) Sešívaní (შეკერილები)[1] Slávisté (სლავისტები) |
| დაარსდა | 1892 წელი, როგორც ACOS (Akademický cyklistický odbor Slavia) |
| სტადიონი |
ფორტუნა არენა პრაღა, ჩეხეთი (ტევადობა: 19 370 მაყურებელი[2]) |
| პრეზიდენტი | იაროსლავ ტვრდიკი |
| მწვრთნელი | ინდრჟიხ ტრიფშოვსკი |
| ლიგა | ჩეხეთის პირველი ლიგა |
| 2025-26 | 1-ლი (16-დან), ჩემპიონი |
| საიტი | [slavia.cz ოფიციალური საიტი] |
სპორტული კლუბი სლავია პრაღა (ჩეხ. Sportovní klub Slavia Praha – fotbal), შემოკლებით სლავია პრაღა (ჩეხ. Slavia Praha) — ჩეხური პროფესიონალური საფეხბურთო კლუბი ქალაქ პრაღაში. კლუბი დაარსდა 1892 წელს, როგორც ლიტერატურული და ველოსიპედისტთა კლუბი და 1993 წელს ჩეხეთის დამოუკიდებლობის მოპოვების შემდეგ ქვეყნის მეორე ყველაზე წარმატებულ კლუბად მიიჩნევა.[3]
სლავია ასპარეზობს ჩეხეთის პირველ ლიგაში, ქვეყნის უმაღლეს საფეხბურთო დივიზიონში. კლუბის მთავარი მეტოქეა პრაღის „სპარტა“, რომელთანაც ატარებს პრაღის დერბის — ჩეხურ ფეხბურთში ყველაზე გამორჩეულ დაპირისპირებას.
სლავიას მოგებული აქვს 22 ეროვნული ჩემპიონობა, 11 ჩეხეთის თასი და მიტროპის თასი (1938). ჩეხეთის საფეხბურთო ლიგის დაარსების შემდეგ, 1993 წლიდან, კლუბმა 9 ჩემპიონობა მოიპოვა. გუნდმა ასევე მიაღწია 1995-96 წლების უეფას თასის ნახევარფინალს და პირველად ისტორიაში ითამაშა 2007-08 წლების უეფას ჩემპიონთა ლიგის ჯგუფურ ეტაპზე.
2019 წელს სლავია გავიდა უეფას ევროპა ლიგის 2018-19 წლების სეზონის მეოთხედფინალში და მეორედ ისტორიაში მოიპოვა უეფას ჩემპიონთა ლიგის ჯგუფურ ეტაპზე თამაშის უფლება. კლუბმა კვლავ მიაღწია ევროპა ლიგის მეოთხედფინალს 2020-21 წლების სეზონში. ჩემპიონურ 2020-21 წლების ჩეხეთის ლიგის სეზონში გუნდმა მთელი ჩემპიონატი წაუგებლად ჩაატარა და დაამყარა ჩეხეთის რეკორდი უმაღლეს ლიგაში ყველაზე ხანგრძლივი წაუგებელი სერიის მიხედვით — 54 მატჩი 2020-2021 წლებში.[4]
სქოლიო
[რედაქტირება | წყაროს რედაქტირება]- ↑ Sešívaní ნიშნავს „ერთად შეკერილს“ და უკავშირდება კლუბის საშინაო ფორმას, რომლის წითელი და თეთრი ნახევრები ტრადიციულად ერთმანეთზე იყო შეკერილი.
- ↑ Fortuna Arena cs. SK Slavia Prague. დაარქივებულია ორიგინალიდან — 13 სექტემბერი 2024. ციტირების თარიღი: 21 August 2024
- ↑ Historická tabulka. Chance Liga. ციტირების თარიღი: 10 June 2019
- ↑ NEPORAŽENÍ 582 dnů. Série, na kterou se nezapomene. SK Slavia Prague. დაარქივებულია ორიგინალიდან — 17 October 2021. ციტირების თარიღი: 17 October 2021