სკრუჯ მაკდაკი

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან სკრუჯ მაკ-დაკი)
გადასვლა: ნავიგაცია, ძიება
სკრუჯ მაკდაკი
Scrooge mcduck.png
პირველი გამოჩენა Christmas on Bear Mountain (1947)
შემქმნელი კარლ ბარქსი
ინფორმაცია
ზედმეტსახელ(ებ)ი ძია სკრუჯი
სახეობა პეკინის იხვი
ნათესავები დონალდ დაკი (ძმისშვილი)
ჰიუი, დიუი და ლუი
ლუდვიგ ფონ დრეიკი
ეროვნება შოტლანდიელი

სკრუჯ მაკდაკი — ანიმაციური პერსონაჟი, რომელიც 1947 წელს კარლ ბარქსის მიერ შეიქმნა და ლიცენზირებულია უოლტ დისნეის კომპანიის მიერ. იგი არის შოტლანდიელი, ანთროპომორფული პეკინის იხვი. როგორც წესი, ატარებს წითელი ან ლურჯი ფერის სამოსს, ცილინდრს, სათვალეებს და გამაშებს. ანიმაციურ ფილმებში საუბრობს შოტლანდიური აქცენტით. ცნობილია თავისი მომჭირნეობით. დისნეის გამოგონილ სამყაროში იგი მსოფლიოს ყველაზე მდიდარი პიროვნებაა.

მაკდაკი შექმნეს ებენეზერ სკრუჯის, ჩარლზ დიკენსის 1843 წლის რომანის საშობაო სიმღერის მთავარი პერსონაჟის შთაგონებით. არსებობს ვარაუდი, რომ იგი აგრეთვე შთაგონებულია დონალდ დაკის 1943 წლის მოკლემეტრაჟიანი ანიმაციური ფილმის The Spirit of '43 უცნობი პერსონაჟით, დონალდის მომჭირნე მხარის ილუსტრირებით. ეს არის პერსონაჟი, რომელსაც სკრუჯის ბევრი თვისება ჰქონდა და გარეგნული დეტალიც - სათვალეები, ქილვაშები. იგი შოტლანდიური აქცენტით საუბრითაც გამოირჩეოდა.[1]

თუკი თავდაპირველად კომიქსებში სკრუჯი იყო მხოლოდ ძუნწი და ანტიგმირის ტიპის, უფრო გვიანდელ გამოცემებსა და ანიმაციურ ფილმებში, დღემდე, იგი წარმოდგენილია, როგორც ქველმოქმედი, მომჭირნე, თავგადასავლების მოყვარული და მკვლევარი. კარლ ბარქსის მიერ სკრუჯი შეიქმნა, როგორც დონალდ დაკის მეტოქე. იგი პირველად გამოჩნდა 1947 წელს, Four Color-ის "Christmas on Bear Mountain"-ში (#178). პერსონაჟი მალე იმდენად პოპულარული გახდა, რომ მაკდაკი დაკების ოჯახის ნაწილად იქცა. 1952 წელს მას უკვე კომიქსების ცალკე სერია მიეძღვნა, Uncle Scrooge, რომელიც დღემდე გამოიცემა. მიუხედავად იმისა, რომ სკრუჯის ყველაზე ცნობილი მხატვარი ბარქსი იყო, მოგვიანებით მას დონ როსაც ხატავდა. პერსონაჟი ძირითადად კომიქსების პერსონაჟის სახით არის ცნობილი, თუმცა აგრეთვე არის სერიალ DuckTales-ის (1987-1990) მთავარი გმირი.

დისნეის ფრენჩაიზის რამდენიმე სხვა პერსონაჟთან ერთად, სკრუჯმა მოიპოვა მსოფლიო პოპულარობა, განსაკუთრებით ევროპაში. წიგნები მის შესახებ ნათარგმნია მრავალ ერნაზე. სკრუჯი არის დონალდ დაკის ბიძა (დედის მხრიდან), ჰიუის, დიუის და ლუის ბაბუის ძმა და ხშირად - გირო გირლუზის ფინანსური მხარდამჭერი. პოპულარულ კულტურაში სკრუჯის "ფულის ყუთი" და თავად სკრუჯი იქცნენ დიდი სიმდიდრის მეტონიმებად.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Gerstein, David, "1st Scrooge McDuck in 1943??", Retrieved on October 9, 2008.