სკინჰედი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
სკინჰედი გოგონები

სკინჰედი — ახალგაზრდული სუბკულტურის წევრი, რომელიც აგრესიული მასკულინური ვარცხნილობისა და ჩაცმულობის სტილით გამოირჩევა, მათ შორის გადაპარსული თავითა და მასიური ჩექმებით. მრავალ ქვეყანაში სკინჰედები განიხილებიან, როგორც უკიდურესი მამარჯვენე ნაციონალისტები ან ნეოფაშისტები, რომლებიც ანტისემიტური ან სხვა რასისტული შეხედულებების მიმდევრები არიან, თუმცა „სკინჰედის ფენომენი“ ყოველთვის პოლიტიკურ ხასიათს არ ატარებს და შესაბამისად, ყველა სკინჰედი არაა რასისტული იდეოლოგიის მატარებელი.[1]

სკინჰედთა სუბკულტურა 1960-იანი წლების ლონდონის მუშათა კლასში წარმოიშვა და მალევე გაერთიანებული სამეფოს სხვა ტერიტორიებზეც გავრცელდა, რის შემდეგაც 1970-იანი წლების დასასრულს მუშათა კლასის სკინჰედთა მეორე მოძრაობამ უკვე მთელი მსოფლიო მოიცვა. სკინჰედების მოძრაობამ პიკს 1960-იან წლებში მიაღწია, 1980-იან წლებში აღორძინება განიცადა, რის შემდეგაც მსოფლიოს მასშტაბით სხვადასხვა კონტექსტში არაერთხელ გამოჩნდა.

დიდ ბრიტანეთში სკინჰედთა სუბკულტურა საზოგადოებისათვის ბრიტანეთის ეროვნული ფრონტისა და ბრიტანული მოძრაობის დაჯგუფებებთან გახდა ასოცირებული. 1990-იან წლებში ევროპასა და ჩრდილოეთ ამერიკაში ნეო-ნაცისტ სკინჰედთა მოძრაობები მძვინვარებდა, თუმცა მათი დაბალანსება მათ საპასუხოდ შექმნილმა კონტრმოძრაობებმა შეძლეს, რომელთა შორისაა სკინჰედები რასობრივი ცრურწმენების წინააღმდეგ. სკინჰედთა სუბკულტურა პოლიტიკური წარმოდგენების ფართო სპექტრს ასახავს, თუმცა ამასთანავე მრავალი ადამიანის მიერ იგი, როგორც აპოლიტიკური მუშათა კლასის მოძრაობა, აღიქმება.

სქოლიო[რედაქტირება | წყაროს რედაქტირება]

  1. „Skinhead“. Encyclopedia of Britanica.