სინგაპურის საგარეო ურთიერთობები
სინგაპურს დიპლომატიური ურთიერთობები 187 სახელმწიფოსთან აქვს დამყარებული, თუმცა ბევრ ქვეყანაში უმაღლესი კომისია ან საელჩო არ აქვს. სინგაპური სამხრეთ-აღმოსავლეთ აზიის რეგიონალიზმის კონცეფციას უჭერს მხარს და აქტიურ როლს თამაშობს სამხრეთ-აღმოსავლეთ აზიის ქვეყნების ასოციაციაში.
სინგაპურს კარგი ურთიერთობები აქვს მსოფლიოს ბევრ სახელმწიფოსთან და საგარეო პოლიტიკას მეგობრობისა და ორმხრივი სარგებლის პრინციპებზე აგებს. სახელმწიფოს ახლო კავშირები აქვს მეზობელ და რეგიონულ ქვეყნებთან, განსაკუთრებით აზია-წყნარი ოკეანის ქვეყნებთან და უწყევტად უჭერს მხარს საერთაშორისო ინიციატივებს მშვიდობის, უსაფრთხოებისა და წესრიგის შენარჩუნების შესახებ. სინგაპური მსოფლიოში ერთ-ერთი ყველაზე ნეიტრალური სახელმწიფოა.[1][2][3][4] სტატუსიდან გამომდინარე სინგაპურში აზია-წყნარი ოკეანის ეკონომიკური თანამშრომლობის ორგანიზაციის სამდივნო და წყნარი ოკეანის ეკონომიკური თანამშრომლობის საბჭოს სამდივნო მდებარეობს და მრავალ საერთაშორისო კონფერენციასა და ღონისძიებას მასპინძლობს. სინგაპური არის გაერთიანებული ერების ორგანიზაციის, მსოფლიო სავაჭრო ორგანიზაციის, აღმოსავლეთ აზიის სამიტის, მიუმხრობლობის მოძრაობისა და ერთა თანამეგობრობის წევრი.
აშკარა გეოგრაფიული მიზეზებიდან გამომდინარე, სინგაპურისთვის ინდონეზიასთან და მალაიზიასთან ურთიერთობებია ყველაზე მნიშვნელოვანი. სინგაპურს კარგი ურთიერთობები აქვს გაერთიანებულ სამეფოსთან, რომელთან ერთადაც ხუთი ძალის თავდაცვის შეთანხმების წევრია (მალაიზიასთან, ავსტრალიასთან და ახალ ზელანდიასთან ერთად). სინგაპურს კარგი ურთიერთობები აქვს ჩინეთთან და აშშ-თანაც.[5] სინგაპური ერთ-ერთია იმ ქვეყნებს შორის, რომელთაც ურთიერთობები აქვთ როგორც ჩრდილოეთ კორეასთან, ისე აშშ-თან.[6]
ორმხრივი ურთიერთობები[რედაქტირება | წყაროს რედაქტირება]
აზია[რედაქტირება | წყაროს რედაქტირება]
ტაივანი[რედაქტირება | წყაროს რედაქტირება]
მთავარი სტატია: სინგაპურ-ტაივანის ურთიერთობები.სინგაპურში ბრიტანეთის მმართველობისა და შემდეგ ბრიტანეთის მალაიის დაქვემდებარებაში ყოფნის დროს სინგაპურს ტაივანთან ურთიერთობები ჰქონდა.[7] 1965 წელს მალაიზიისგან დამოუკიდებლობის მოპოვების შემდეგ სინგაპურმა ტაივანი აღიარა.[7]
ტაივანს წარმომადგენლობითი ოფისი აქვს სინგაპურში, ხოლო სინგაპური ტაიპეიში სინგაპურის სავაჭრო ოფისით ფუნქციონირებს. ორივე სახელმწიფო მსოფლიო სავაჭრო ორგანიზაციის წევრია.
ვიეტნამი[რედაქტირება | წყაროს რედაქტირება]
მთავარი სტატია: ვიეტნამ-სინგაპურის ურთიერთობები.სინგაპურსა და ვიეტნამს შორის სავაჭრო ურთიერთობები XIX საუკუნეში დაიწყო. სინგაპურს ანტიკომუნისტური პოლიტიკა ჰქონდა და გაერთიანებამდე სამხრეთ ვიეტნამს უჭერდა მხარს. სინგაპურმა ფორმალური ფიპლომატიური ურთიერთობები ჩრდილოეთ ვიეტნამთან 1973 წლის 1-ელ აგვისტოს დაამყარა. ვიეტნამის გაერთიანების შემდეგ სინგაპურმა ვიეტნამის სოციალისტურ რესპუბლიკასთან ურთიერთობების გაუმჯობესება დაიწყო. ურთიერთობები გაუარესდა კამბოჯა-ვიეტნამის ომის დროს, თუმცა კიდევ ერთხელ გაუმჯობესდა კამბოჯიდან ვიეტნამის სახალხო არმიის გასვლის შემდეგ.
ორივე სახელმწიფო სამხრეთ-აღმოსავლეთ აზიის ქვეყნების ასოციაციის წევრია და ორმხრივი ურთიერთობები აქვთ მრავალ სფეროში.[8] სინგაპურის საელჩო ჰანოიში მდებარეობს, ხოლო გენერალური საკონსულო ― ხოშიმინში. ვიეტნამის საელჩო სინგაპურშია განლაგებული.
სამხრეთი კორეა[რედაქტირება | წყაროს რედაქტირება]
.jpg)
მთავარი სტატია: სამხრეთი კორეა-სინგაპურის ურთიერთობები.სინგაპურსა და სამხრეთ კორეას შორის დიპლომატიური ურთიერთობები 1975 წლის 8 აგვისტოს დაიწყო.[9] სინგაპურის საელჩო სეულში მდებარეობს, ხოლო სამხრეთ კორეის საელჩო ― სინგაპურში.
ჩრდილოეთი კორეა[რედაქტირება | წყაროს რედაქტირება]
მთავარი სტატია: სინგაპურ-ჩრდილოეთ კორეის ურთიერთობები.სინგაპურსა და ჩრდილოეთ კორეას შორის დიპლომატიური ურთიერთობები 1975 წლის 8 ნოემბერს დამყარდა. ჩრდილოეთ კორეის საელჩო სინგაპურში მდებარეობს, ხოლო სინგაპურს არარეიზდენტი ელჩი ჰყავს პეკინში.
ამჟამად სინგაპურსა და ჩრდილოეთ კორეას შორის ურთიერთობები ოფიციალურ დონეზე არ არის აქტიური. სინგაპურმა ჩრდილოეთ კორეასთან სავაჭრო ურთიერთობები 2017 წლის ნოემბრიდან შეწყვიტა.[10]
2016 წლამდე ჩრდილოეთ კორეელებს სინგაპურში უვიზოდ ჩასვლა შეეძლოთ, თუმცა ახალი კონის მიხედვით ჩრდილოეთ კორეელებს სინგაპურში ჩასასვლელად ვიზა სჭირდებათ.[11] სინგაპურის მოქალაქეებსაც ჩრდილოეთ კორეის მთავრობისგან ავტორიზაციის შემდეგ ვიზის მიღება სჭირდებათ.[12]
თურქეთი[რედაქტირება | წყაროს რედაქტირება]
მთავარი სტატია: თურქეთ-სინგაპურის ურთიერთობები.თურქეთსა და სინგაპურს შორის დიპლომატიური ურთიერთობები 1969 წლის 12 თებერვალს დამყარდა.[13] სინგაპურის საელჩო ანკარაში მდებარეობს, ხოლო თურქეთის ― სინგაპურში.[13] 2015 წელს სახელმწიფოებს შორის ვაჭრობის მოცულობა 808 მილიონ ამერიკულ დოლარს გაუტოლდა (თურქული ექსპორტი 443/365 მილიონი ამერიკული დოლარი).[14] 2019 წელს თურქეთს 34 930 სინგაპურელი ტურისტი ეწვია. სტამბოლსა და სინგაპურს შორის პირდაპირი ფრენებია.[13]
კატარი[რედაქტირება | წყაროს რედაქტირება]
კატარსა და სინგაპურს შორის დიპლომატიური ურთიერთობები 1984 წელს დამყარდა.[15][16] კატარის საელჩო სინგაპურში მდებარეობს,[17] ხოლო სინგაპურის საელჩო ― დოჰაში.[18]
მონღოლეთი[რედაქტირება | წყაროს რედაქტირება]
მთავარი სტატია: მონღოლეთ-სინგაპურის ურთიერთობები.სინგაპურსა და მონღოლეთს შორის ურთიერთობები 1950 წელს დაიწყო, თუმცა დიპლომატიური ურთიერთობები 1970 წელს დამყარდა. სინგაპურის საელჩო ულან-ბატორში მდებარეობს, ხოლო მონღოლეთის საელჩო ― სინგაპურში.
რესურსები ინტერნეტში[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
- ↑ Establishing Our Place in the World. დაარქივებულია ორიგინალიდან — 2022-08-31. ციტირების თარიღი: 2022-11-09.
- ↑ Foreign Policy.
- ↑ Singapore: A Small Asian Heavyweight.
- ↑ Full speech: Five core principles of Singapore's foreign policy | the Straits Times (17 July 2017).
- ↑ People's Republic of China.
- ↑ White House explains why it chose Singapore to host summit with North Korea (8 June 2018).
- ↑ 7.0 7.1 Singapore - China. ციტირების თარიღი: 21 February 2015
- ↑ Singapore-Vietnam Relations. Embassy of the Republic of Singapore, Hanoi. ციტირების თარიღი: 2015-11-11.
- ↑ Ministry of Foreign Affairs, Republic of Korea-Asia Pacific ko. Mofa.go.kr. ციტირების თარიღი: 2015-08-12
- ↑ „Singapore suspends trade relations with North Korea“. Reuters. 2017. ციტირების თარიღი: 30 November 2017.
- ↑ Countries/Regions Requiring Visa. MFA Singapore (12 December 2014). დაარქივებულია ორიგინალიდან — 20 მარტი 2015. ციტირების თარიღი: 12 December 2014
- ↑ North Korea en. ციტირების თარიღი: 2021-08-11
- ↑ 13.0 13.1 13.2 Relations between Turkey and Singapore. Ministry of Foreign Affairs. ციტირების თარიღი: 6 October 2020
- ↑ Commercial and Economic Relations between Turkey and Singapore. Ministry of Foreign Affairs. ციტირების თარიღი: 6 October 2020
- ↑ العلاقات الثنائية (MFA Qatar) (in Arabic).
- ↑ Singapore, Qatar strengthen bilateral ties. Customs Today (18 October 2017). ციტირების თარიღი: 2 June 2018
- ↑ Home page ar. Qatari Embassy in Singapore. ციტირების თარიღი: 2 June 2018
- ↑ About The Embassy. Singaporean Embassy in Doha. ციტირების თარიღი: 2 June 2018