სიმონ I გურიელი

მასალა ვიკიპედიიდან — თავისუფალი ენციკლოპედია
Jump to navigation Jump to search
ზარზმის ტაძრის წარწერა, რომელიც იხსენიებს სიმონ გურიელს

სიმონ I გურიელიგურიის ერისთავი XIII საუკუნეში. მოხუცებულობის ჟამს, XIII-XIV საუკუნეების მიჯნაზე პოლიტიკურ საქმიანობას ჩამოსცილებია და ბერად აღკვეცილა. მას განსაკუთრებული ღვაწლი მიუძღვის ზარზმის ტაძრის წინაშე. ცნობილია დაახლოებით XIV საუკუნის დასაწყისის მისი ფრესკული პორტრეტი ზარზმაში, ტაძრის ჩრდილო-დასავეთით, გუმბათქვეშა ბურჯის სამხრეთ პირზე. რომლის წარწერაშიც სიმონ I გურიელი მოიხსენიება როგორც „ერისთავთერისთავი, მსახურთუხუცესი , სვანთა ერისთავი სუიმეონ გურიელი“. მისი მსახურთუხუცესობის პერიოდი სავარაუდოდ მოდის XIII საუკუნის 60-90-იან წლებზე დასავლეთ საქართველოში დავით ნარინის დროს.

ლიტერატურა[რედაქტირება | წყაროს რედაქტირება]

  • ჩხატარაიშვილი ქ., ქართული საბჭოთა ენციკლოპედია, ტ. 9, გვ. 352, თბ., 1985 წელი.
  • თეა ქართველიშვილი, „გურიის საეპისკოპოსოები“ გვ. 116 — „არტანუჯი“, თბილისი, 2006 ISBN 99940-11-89-8
  • სიხარულიძე ი. „გურიელები“ — გაზეთი „ალიონი“ N10-11, 2018 წ.