არაპენეტრაციული სექსი
არაპენეტრაციული სექსი, სექსი პენეტრაციის გარეშე — სექსუალური აქტივობა, რომელიც, როგორც წესი, არ მოიცავს სექსუალურ პენეტრაციას. მასში არ შედის ვაგინალური, ანალური და ორალური სექსუალური აქტივობების პენეტრაციული ასპექტები, თუმცა ის მოიცავს ბევრ სხვა სექსუალურ და არასექსუალურ აქტივობას, მათ შორის ე.წ. „მშრალ სექსს“, ორმხრივ მასტურბაციას, კოცნას ან ჩახუტებას.[1] არაპენეტრაციული სექსის ზოგიერთი ფორმა ზოგჯერ მოიცავს პენეტრაციულ ასპექტებს, მაგალითად, სხეულში შეღწევას თითაობის — ე.წ. „ფინგერინგის“ — ან ორალური სექსის დროს.[2]
ადამიანები არაპენეტრაციული სექსით სხვადასხვა მიზეზის გამო კავდებიან, მათ შორის პრელუდიის ან მთავარი თუ სასურველი სექსუალური აქტის სახით.[3] ჰეტეროსექსუალი წყვილები შეიძლება არაპენეტრაციული სექსით დაკავდნენ „პენისი ვაგინაში“ ტიპის სექსის ალტერნატივის სახით, უბიწობის შესანარჩუნებლად ან ორსულობის თავიდან ასაცილებლად.[4] ერთნაირსქესიანი წყვილები ასევე შეიძლება დაკავდნენ არაპენეტრაციული სექსით უბიწობის შესანარჩუნებლად — გეი კაცებმა ის შეიძლება ანალური პენეტრაციის ალტერნატივად გამოიყენონ[5].
მართალია, ზოგიერთი სქესობრივი გზით გადამდები ინფექცია (სგგი) — როგორებიცაა, მაგალითად, ჰერპესი, პაპილომავირუსი და ბოქვენის ტილი — შეიძლება არაპენეტრაციული სექსის დროს გენიტალიების ერთმანეთზე ან სხეულზე ხახუნისას გავრცელდეს, მაგრამ არაპენეტრაციული სექსი მაინც უფრო მეტად უსაფრთხო სექსის ფორმად მიიჩნევა, რადგან მის დროს ნაკლებად სავარაუდოა, რომ სექსუალურ აქტივობაში სხეულის სითხეების მიმოცვლა მოხდეს (რაც სგგი-ს გავრცელების მთავარი მიზეზია), განსაკუთრებით ექსკლუზიურად არაპენეტრაციული ასპექტების შემთხვევაში.[6]
რესურსები ინტერნეტში[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
- ↑ (2000) Sexual Health Concerns: Interviewing and History Taking for Health Practitioners. University of Michigan, გვ. 45. ISBN 978-0803606685.
- ↑ (2001) Odyssey of the Heart: Close Relationships in the 21st Century. Psychology Press, გვ. 70. ISBN 978-1410604057.
- ↑ Laura M. Carpenter (2005). Virginity lost: an intimate portrait of first sexual experiences. NYU Press. ISBN 978-0-8147-1652-6.
- ↑ (2010) The Marriage and Family Experience: Intimate Relationship in a Changing Society. Cengage Learning, გვ. 186. ISBN 978-0-534-62425-5.
- ↑ Joseph Gross, Michael (2003). Like a Virgin. The Advocate/Here Publishing, გვ. 44–45. 0001-8996.
- ↑ (2000) The Person With HIV/AIDS: Nursing Perspectives, 3rd Edition. Springer Publishing Company, გვ. 103. ISBN 978-8122300048.